काठमाडौँ । वरिष्ठ न्युरो सर्जन डा. उपेन्द्र देवकोटाको आइसियुमा राखेर उपचार भइरहेको छ ।
पछिल्लो पाँच दिनदेखि कृतिम स्वासप्रस्वास (भेन्टिलेटर) मा राखिएका देवकोटालाई गएराति स्वास्थ्य केही सुधार देखिएपछि भेन्टिलेटरबाट निकालिएको बाँसबारी स्थित न्युरो अस्पतालले जानकारी दिएको छ ।
डा. देवकोटाको स्वास्थ्य स्थितिबारे बाहिर आएका हल्लामा कुनै सत्यता नभएको अस्पतालले जनाएको छ ।
उनको स्वास्थ्य स्थिति गम्भीर र सघन उपचार चलिरहेको हुँदा विभिन्न सामाजिक सञ्जालमा आएका समाचारहरू सत्य नरहेको भन्दै अस्पताल तथा देवकोटाका परिवारले खण्डन गरेका छन् ।
न्यूरो अस्पताल र देवकोटाको परिवारले शनिबार बिहान प्रेस विज्ञप्ति जारी गर्दै अस्पतालबाट जारी गरिने आधिकारिक सूचनालाई मात्र विश्वास गर्न आग्रह गरेका छन् । ‘यस अस्पतालबाट जारी गरिने आधिकारिक जानकारी बाहेक अन्य सूचनालाई विश्वास नगर्न सविनय अनुरोध गर्दछौ,’ विज्ञप्तिमा भनिएको छ।
पित्त थैलीको क्यान्सरबाट पीडित डा. देवकोटाले गएको नोभेम्बर २१ मा बेलायत गएका डा. देवकोटा ६ महिनासम्म बेलायतमै उपचार गराएका थिए । तर त्यहाँ स्वास्थ्यमा सुधार नभएपछि डा. देवकोटा वैशाखको दोस्रो साता नेपाल फर्केर बाँसवारीस्थित न्यूरो अस्पतालमा उपचार गराइरहेका छन् ।