मेलवर्न स्टेडियममा जारी बक्सिङ डे टेस्टमा दर्शकको नयाँ किर्तिमान, १९३७ को रेकर्ड तोडियो

काठमाडौँ । अस्ट्रेलिया र भारतबीचको चौथो टेष्टको पाँच दिनमा मेलबर्न क्रिकेट स्टेडियम (एमसीजी) मा ३ लाख ५० हजार ७०० भन्दा बढी दर्शक उपस्थित भएर अस्ट्रेलियामा टेस्ट म्याच हेर्ने दर्शकको नयाँ किर्तिमान बनेको छ ।

यस अघि सन् १९३७ मा एमसिजीमा सर्बाधिक ३ लाख ५० हजार ५३४ दर्शक उपस्थित रहेका थिए ।

क्रिकेट अष्ट्रेलियाले पाँचौं दिनको पहिलो सत्रको लागि ५१ हजार ३७१ दर्शक उपस्थित रहेको जानकारी दिदै १९३७ पछि पाँच दिनमा सबैभन्दा बढी दर्शक आएर नयाँ रेकर्ड बनेको बताएको हो ।

सर डोनाल्ड ब्राडम्यानको नेतृत्वमा अष्ट्रेलियाले जनवरी १९३७ मा इङ्ल्यान्डसँग खेलेको सो खेल भन्दा २०२४ मा एमसिजी बक्सिङ डे टेस्टमा धेरै मानिसहरू उपस्थित भएका छन् । १९३७ को सो खेल छ दिनसम्म खेलिएको थियो ।

यस बक्सिङ डे टेस्टमा पहिलो दिन ८७ हजार २४२, दोस्रो दिन ८५ हजार १४७, तेस्रो दिन ८३ हजार ७३, चौथो दिन ४३ हजार ८६७ र पाँचौं दिन ५१ हजार ३७१ दर्शक उपस्थित भएको एमसीजी चलाउने मेलबर्न क्रिकेट क्लबले जानकारी दिएको छ ।