- २०८३ बैशाख १९ शनिबार
हेटौंडा । हेटौंडामा जमिन भासिँदा हराएको पिकअप भ्यानको पाटपुर्जा भेटिएका छन् ।
एक्स्काभेटरले गाडी खोज्ने क्रममा पाटपुर्जाहरु भेटिएका हुन् । गाडीका केहि पाटपुर्जा भेटिएपनि च्यासिसलगायतका पाटपुर्जा भने भेटिएका छैनन् ।
गत वैशाख १९ गते हेटौंडा उपमहानगरपालिका–१६ स्थित गैरीगाउँमा जमिन भासिँदा हराएको गाडी खोज्न मंगलबारदेखि एक्स्काभेटर प्रयोग गरेर खोजी शुरु गरिएको थियो । यसअघि काठमाडौँबाट गएका भूगर्भ विज्ञहरुले खोजी गरेपनि गाडी पत्ता लगाउन सकेका थिएनन् ।
