काठमाडौँ । क्रिकेटको घर भनिने लन्डनको लर्ड्स मैदानमा नेपालले आज त्रिकोणीय टि-२० सिरिज खेल्दै छ। नेपालसहित एमसीसी क्लब र नेदरल्याण्डसले भाग लिने सो सिरिज आजै सकिने छ।
तय भएको तालिका अनुसार कुल तीन खेल हुने यस सिरिजमा पहिलो खेल नेपाली समय अनुसार २ बजेर ४५ मिनेट जाँदा एमसीसी र नेदरल्याण्डसबीच हुने छ। त्यस्तै दोस्रो खेल नेपाली समय अन्सुआर ५ बजेर ५० मिनेट जाँदा नेपाल र एमसीसीनिच हुने छ। त्यस्तै अन्तिम खेल नेपाल र नेदरल्याण्डसबीच नेपाली समय अनुसार ९ बजेर ५ मिनेट जाँदा सुरु हुने छ।
नेपाल र नेदरल्याण्डसबीच को यो खेललाई आइसीसीले अन्तर्राष्ट्रिय टि-२० को मान्याता समेत दिएको छ।
नेपाली राष्ट्रिय क्रिकेट टिमले लर्ड्स मैदानमा शनिबार दिनभर अभ्यास गरेको छ। यस अघि खेलेका चार खेलमा तीनमा जित र एक मा हार बेहोरेको नेपालले अभ्यास खेलमा उत्कृष्ट ब्याटिंग र बलिङको प्रदर्शन गरेको थियो। नेपाली खेलाडी लर्ड्समा खेल्ने सिरिज र नेदरल्याण्ड टुरमा राम्रो प्रदर्शन गर्ने आशा गरिएको छ।
नेपाली टिमले खेलको तयारीका लागि गरेको अभ्यासका तस्बीरहरु :
तस्बीर : रमन शिवाकोटी