- २०८३ जेठ ६ बुधबार
काठमाडौँ । काजाकिस्तानकी २६ वर्षीया टेनिस खेलाडी एलेना रायबाकिनाले अस्ट्रेलियन ओपनको महिला सिंगलको उपाधि जितेकी छिन्।
शनिबार भएको फाइनल खेलमा एलेनाले आफ्नी प्रतिद्वन्द्वी बेलारुसी एरिना साबालिन्कालाई पराजित गर्दै उपाधि जितेकी हुन् । एलेनाले एरिना साबालिन्कालाई तीन सेटको खेलमा २-१ ले जितेकी हुन् । उनले ६-४, ४-६ र ६-४ ले एरिनालाई पराजित गरेकी थिइन् ।
एलेना यसअघि २०२३ मा एरिनासँग अस्ट्रेलियन ओपनको फाइनलआमा पराजित भएकी थिइन् भने यस पटक सो हारको बदला लिएकी छन् । यो उनको दोस्रो प्रमुख उपाधि हो । उनले यसअघि २०२२ मा विम्बल्डन जितेकी थिइन् ।
त्यस्तै पुरुषतर्फको फाइनल भने कार्लोस अल्कराज र नोभाक जोकोभिचबीच आइतबार हुदैछ ।
