दुर्गा सुबेदीद्वारा विपीसँग विमान अपहरणका अनुभूति ‘विमान विद्रोह' मा सार्वजनिक

खरीबोट

काठमाडौं।  प्रजातान्त्रिक आन्दोलनका योद्धा दुर्गा सुवेदीले आफ्नो संलग्नतामा भएको नेपालको पहिलो र एकमात्र राजनीतिक विमान अपहरणबारे आफ्नो अनुभूति सार्वजनिक गरेका छन् । उनले लेखेको संस्मरणात्मक पुस्तक ‘विमान विद्रोह : एउटा राजनीतिक अपहरणको बयान’ मा पञ्चायतविरुद्ध संघर्षका विविध आयामहरु उद्घाटित छन् । 

वीपी कोइरालाले आफ्नो आत्मवृत्तान्तमा लेखेका छन्, ‘मसँग पैसा थिएन अनि हवाईजहाज अपहरणको विचार आयो । म विस्तारमा भनूँ कि नभनूँ ? अहिले छोडिदिऊँ, अब मान्छे पनि आइसके ।’ दुर्गा सुवेदी भन्छन्, ‘बीपीले विस्तारमा नभनी छोडिदिनु भएको कहानी मैले भन्ने जमर्को गरेको छु ।’

२००३ सालमा धनकुटामा जन्मिएका सुवेदी नेपालको प्रजातान्त्रिक आन्दोलनका चर्चित नाम हुन् । पञ्चायती सत्ताविरुद्ध नेपाली कांग्रेसले गरेको सशस्त्र संघर्षलाई सहयोग पुर्‍याउन राष्ट्रबैंकको ३० लाख भारतीय रुपैयाँ लुट्न उनले बसन्त भट्टराई र नगेन्द्र ढुंगेलसँग मिलेर २०३० सालमा नेपाल वायुसेवा निगमको विमान अपहरण गरेका थिए । यसबापत करिब १० वर्ष लामो प्रवास–बसाई र दुई वर्ष भारतीय जेलमा जीवन बिताएका सुवेदी कालान्तरमा माओवादी र सरकारबीच शान्ति–संवाद गराउने सूत्राधारसमेत बने । 

एउटा सशस्त्र संघर्ष गर्दा र अर्को सशस्त्र संघर्ष टुंग्याउन भूमिका खेल्दाका दुवै पाटाहरु पुस्तकमा छन् । कांग्रेसले हतियार उठाउँदाका अन्तरकथा, कोइराला परिवारका भित्री कथा र त्यसै क्रममा उनी स्वयंलाई पार्टीभित्रबाटै मार्न खोजिएको षडयन्त्रको पनि सुवेदीले खुलासा गरेका छन् । साथै आफ्नी धर्मपत्नी सुशीला कार्की प्रधानन्यायाधीश छँदा तत्कालीन अख्तियार प्रमुख लोकमानसिंह कार्की कसरी ‘१० करोडको गोड्धुवा प्रस्ताव’ लिएर आएका थिए भन्ने वर्णन पनि पढ्न पाइन्छ । 

‘विमान विद्रोह’को प्रकाशन किताब पब्लिसर्स प्रालिले गरेको हो । ‘यसमा राजनीतिक प्रयोजनले विमान अपहरण गर्दाको व्यक्तिगत मनोविज्ञान पहिलोपटक अपहरणकारी स्वयंले सार्वजनिक गर्नुभएको छ’ किताब पब्लिसर्सकी प्रमुख सञ्चालन अधिकृत कल्पना ढकाल भन्छिन्, ‘यो पुस्तकले पाठकहरुलाई नेपाली इतिहासको रोचक अतीततर्फ फर्काउने हाम्रो अपेक्षा छ ।’

सम्बन्धित समाचार

सिन्धुली साहित्य उत्सव २०७५ सम्पन्न, २ गजल संग्रह विमोचित

सिन्धुली । सिन्धुली साहित्य उत्सव २०७५ पुस्तक विमोचन तथा विशेष रचना वाचन कार्यक्रम शनिबार सिन्धुलीमाढीमा सम्पन्न भएको छ । सिन्धुली साहित्य प्रतिष्ठानको आयोजनामा कार्यक्रम भएको हो । अविनाश थापाको एकल गजल

शंकर लामिछानेको लेखन र साहित्यिक क्रियाशीलताबारे चर्चा 

काठमाडौं । शंकर लामिछाने प्रतिष्ठानको आयोजनामा काठमाडौंमा प्रसिद्ध निबन्धकार शंकर लामिछानेको जन्मजयन्ती मनाइयो ।  जन्म जयन्ती कार्यक्रममा प्रतिष्ठानका अध्यक्ष राधेश्यााम लेकाली, संरक्षक तथा शंकरपत्नी रत्ना लामिछाने, सविता ढुंगाना, इतिहासकार डा. सुरेन्द्र

समकालीन नेपाली साहित्यबारे समालोचक महेश कार्की क्षितिजलाई १२ प्रश्न

नेपाली साहित्यको समालोचना तथा कविता लेखनमा सक्रिय रहँदै आएका  महेश कार्की 'क्षितिज' काठमाडौंका युनिग्लोब र ट्रिटन कलेजमा नेपाली साहित्यको अध्यापन गर्छन् । अहिलेसम्म उनका दुई पुस्तक 'नयनराज पाण्डेका उपन्यासमा सबाल्टर्न'

देवघाटमा मनाइयो मकर काव्य यामिनी, विशिष्ट विद्वानहरुले गरे 'साहित्यिक विमर्श'

तनहुँ । महेश संन्यास आश्रम एवं महेश संस्कृत गुरुकुलम् देवघाटधामको रजतवर्ष महोत्सवको अवसरमा साहित्यसम्मेलन एवं मकर काव्ययामिनी आयोजना गरिएको छ । मकर संक्रान्तिको पूर्वसन्ध्यामा महेश संस्कृत गुरुकुलम् तनहुँले वि.सं. २०६०


z