- २०८३ जेठ १ शुक्रबार
काठमाडौं । सरकारको नीति तथा कार्यक्रम प्रतिनिधि सभाको बैठकबाट पारित भएको छ ।
विपक्षी दलको विरोधका बीचमा अर्थमन्त्री डा. स्वर्णिम वाग्लेले नीति तथा कार्यक्रममाथि उठेका प्रश्नको जवाफ दिएपछि सभामुख डिपी अर्यालले सरकारको नीति तथा कार्यक्रम पारित भएको हो ।
बैशाख २८ गते राष्ट्रपति रामचन्द्र पौडेलले दुवै सदनको संयुक्त बैठकमा आर्थिक बर्ष २०८३-८४ को सरकारको नीति तथा कार्यक्रम प्रस्तुत गरेका थिए ।
नीति तथा कार्यक्रममाथि अर्थमन्त्री डा. वाग्लेले जवाफ दिनेक्रममा नेकपा एमाले, नेकपा, श्रम संस्कृति र राप्रपाले संसदको बैठक बहिष्कार गरेका थिए ।
सरकारको नीति तथा कार्यक्रम आजै राष्ट्रिय सभाबाट पनि पारित भइसकेको छ ।
