- २०८३ जेठ ९ शनिबार
जनकपुरधाम । कांग्रेस नेतृत्वको मधेश प्रदेश सरकारले विश्वासको मत पाएको छ ।
मुख्यमन्त्री कृष्ण प्रसाद यादवले राखेको विश्वासको मत लिने प्रस्तावको पक्षमा ६२ मत परेपछि उनले प्रदेश सभाबाट विश्वासको मत पाएका हुन् ।
मत बिभाजनको प्रक्रियामा सय सांसद उपस्थित रहेका थिए भने विश्वासको मत लिने प्रस्तावको पक्षमा ६२ र विपक्षमा ३६ मत परेको थियो ।
मुख्यमन्त्री यादवले यसअघि सत्ता गठबन्धनमा रहेका जनमत र जसपा नेपाललाई बाहिर राखेर एमाले र नेकपासँग सत्ता गठबन्धन गर्दै विश्वासको मत लिएका छन् ।
१०७ सदस्यीय मधेश प्रदेशमा नेकपा एमालेको सबै भन्दा धेरै २४ सिट रहेको छ भने नेपाली काँग्रेसको २२, जसपा नेपालको १८, नेकपाको १५, जनमत पार्टीको १२, लोसपाको ८ तथा राप्रपा र नेपाल संघीय समाजवादी पार्टीको एक एक सिट रहेको छ ।
