- २०८३ जेठ ११ सोमबार
काठमाडौं । वेस्टह्यामसहित तीन क्लब प्रिमियर लिगबाट रेलिगेसनमा परेका छन् ।
प्रिमियर लिगको अन्तिम खेलमा जितेपनि वेस्ट ह्याम यस सिजनमा रेलिगेसनमा परेको हो । वेस्ट ह्यामले आफ्नो अन्तिम खेलमा लिड्स युनाइटेडलाई ३-० गोल अन्तरले पराजित गरेको थियो । योसँगै रेलिगेसनको संघारमा रहेको टोटनह्याम भने अन्तिम खेलमा एभर्टनलाई १-० ले पराजित गरेर रेलिगेसनबाट बचेको छ ।
यो जितपछि वेस्ट ह्यामको ३८ खेलमा ३९ अंक भएको छ र १८औं स्थानमा रहेर रेलिगेसनमा परेको छ । पछिल्लो पटक वेस्टह्याम २०१२-१३ देखि लगातार प्रिमियर लिग खेलिरहेको थियो ।
त्यस्तै यस सिजनमा बर्नली र वोल्भ्स यसअघि नै रेलिगेसन हुने निश्चित भएको थियो । त्यस्तै यस सिजनमा हल सिटी, कोभेन्ट्री सिटी र आईपीस्विच टाउन प्रिमियर लिगमा प्रमोट भएका छन् ।
