- २०८३ असार ५ शुक्रबार
काठमाडौँ । तेबोहो मोकोएनाले खेलको ८३औँ मिनेटमा पेनाल्टीमा गोल गर्दै दक्षिण अफ्रिकालाई विश्वकपमा चेक गणतन्त्रसँग १-१ गोलको बराबरी दिलाएका छन् ।
चेक गणतन्त्रले खेल सुरु भएको पाँच मिनेट सात सेकेन्डमै मिखाल सादिलेकको गोलबाट अग्रता लिएको थियो । यो गोल हालसम्म प्रतियोगिताकै सबैभन्दा छिटो गोल बनेको छ ।
सुरुआती दबाबपछि दक्षिण अफ्रिकाले खेलमा फर्कने प्रयास गरे पनि स्पष्ट अवसर सिर्जना गर्न सकेन । अन्ततः ८०औँ मिनेटपछि थापेलो मासेकोको प्रहार चेक खेलाडी पाभेल सुल्कको हातमा लागेपछि पेनाल्टी पाएको थियो । मोकोएनाले पेनाल्टीलाई सदुपयोग गर्दै टोलीलाई एक अंक दिलाएका थिए ।
यो बराबरीले दुवै टोलीको नकआउट चरण प्रवेश सम्भावना खुला नै राखेको छ । समूह ‘ए’ मा मेक्सिको र दक्षिण कोरिया माथिल्लो स्थानमा छन् भने दक्षिण अफ्रिका र चेक गणतन्त्रले अन्तिम समूह चरणका खेलमा जित निकाल्नुपर्ने दबाबमा रहेका छन् ।
अब दक्षिण अफ्रिकाले अर्को खेल जुन २५ मा दक्षिण कोरियासँग खेल्ने छ भने चेक गणतन्त्रले सोहि दिन मेक्सिकोसँग खेल्ने तालिका छन् ।
