बिजु पार्कीको निर्देशनमा चलचित्र ‘अन्तिम दाउ' को घोषणा

काठमाडौँ । बिजु पार्कीको निर्देशनमा बन्ने नयाँ नेपाली चलचित्र ‘अन्तिम दाउ’ को औपचारिक घोषणा गरिएको छ ।

फ्रेम इन मोसन पिक्चर्सको प्रस्तुतिमा बन्ने चलचित्रको दुई फरक पहिलो झलक सार्वजनिक गर्दै निर्माण सुरु भएको जानकारी दिइएको हो ।

चलचित्रमा विजय लामा, अर्पण थापा, कविता नेपाली, शुशांक मैनाली, निश्चल प्रधान, पेमा दावा लामा र बिमल पुरीको मुख्य अभिनय रहनेछ । पहिलो झलकले चलचित्र द्वन्द्वप्रधान तथा रोमाञ्चक कथामा आधारित रहेको संकेत गरेको छ। चलचित्रमा २०२७ लेखिएको पोस्टर पनि सार्वजनिक गरिएको छ ।

यो बिजु पार्कीको पहिलो निर्देशन रहनेछ। चलचित्रको छायाङ्कन छिट्टै सुरु हुने निर्माण पक्षले जनाएको छ ।