- २०८३ भदौ २५ बिहीबार
काठमाडौँ । जारी नेपाल भलिबल लिग (एनभीएल) मा आज दुई खेल हुदैछन् ।
त्रिपुरेश्वरस्थित राष्ट्रिय खेलकुद परिषद्को कभर्डहलमा आज सगरमाथा स्मासर्स र अन्नपूर्ण स्पाइकर्स किंगबीच दिउँसो ४ बजे तथा मधेश वारियर्स र कर्णाली शिवराजबीच साँझ ७ बजे खेल हुनेछ ।
सगरमाथाले यसअघि खेलेका ४ खेलमा २ जित र २ हार बेहोरेको छ भने अन्नपूर्णले ४ खेलमा ३ जित र एक हार बेहोरेको छ ।
त्यस्तै, मधेशले यसअघि खेलेका ४ खेलमा एक जित र ३ हार बेहोरेको छ भने कर्णालीले यसअघि खेलेका ४ खेलमा ३ जित र एक हार बेहोरेको छ ।
केडिया समूहद्वारा आयोजित लिगमा ६ टोलीको सहभागिता रहेको छ । नेपाली पुरुष भलिबलमा पहिलोपटक आयोजना गरिएको फ्रेन्चाइज लिगको विजेताले २० लाख रुपैयाँ पुरस्कार प्राप्त गर्नेछ । यो नेपाली भलिबलमा अहिलेसम्मकै सर्वाधिक नगद पुरस्कार हो ।
भदौ २७ गतेसम्म सञ्चालन हुने लिगमा ६ टोलीले एकअर्काविरुद्ध एकपटक खेल्नेछन् । लिग चरणको अन्त्यमा शीर्ष स्थानमा रहने टोली सिधै फाइनलमा पुग्नेछ । दोस्रो र तेस्रो स्थानमा रहने टोलीले फाइनल प्रवेशका लागि निर्णायक खेल खेल्नेछन् ।
