आज विश्व फार्मासिस्ट दिवस मनाइदै

काठमाडौँ । आज विश्व फार्मासिस्ट दिवस मनाइदैछ ।

प्रत्येक वर्ष २५ सेप्टेम्बरमा यो दिवस समाजमा फार्मासिष्टको महत्वपूर्ण भूमिकालाई उजागर गर्ने उद्देश्यले विश्व फार्मासिस्ट दिवस मनाइने गरिएको छ । यस बर्षको विश्व फार्मासिस्ट दिवसको नारा ‘स्वस्थ भविष्यका लागि फार्मासिस्टलाई सशक्त बनाऔँ’ भन्ने रहेको अन्तर्राष्ट्रिय औषधि महासंघले जानकारी दिएको छ । 

अन्तर्राष्ट्रिय औषधि महासंघ काउन्सिलको स्थापना सन् १९१२ मा स्थापना भएको थियो, त्यसपछि सन् २००९ मा टर्कीको इस्तानबुलमा भएको वर्ल्ड कंग्रेस अफ फार्मेसी एन्ड फार्मास्युटिकल साइन्समा अन्तर्राष्ट्रिय औषधि महासंघ काउन्सिलले हरेक बर्ष सेप्टेम्बर २५ मा यो दिवस मनाउने घोषणा गरेको थियो ।

विश्व फार्मासिस्ट दिवस मनाउनुको उद्देश्य फार्मासिस्टको महत्वपूर्ण भूमिकालाई उजागर गर्नु र चिकित्सा पेशेवरहरूलाई सम्मान गर्नु रहेको छ । यस दिन प्रत्येक व्यक्तिलाई उचित स्वास्थ्य सेवा प्रदान गर्न फार्मासिष्टहरूले खेल्ने महत्त्वपूर्ण भूमिकाको बारेमा मानिसहरूलाई सचेत गराइन्छ । यस विशेष दिनमा स्वास्थ्य क्षेत्रमा महत्वपूर्ण योगदान पुर्‍याएका फार्मासिस्टहरूलाई सम्मान गरिन्छ ।