- २०८३ असोज ९ शुक्रबार
काठमाडौँ । नेपाली महिला कबड्डी टिमले जापानको नागोयामा जारी २०औँ एसियाली खेलकुदमा कास्य पदकमै सिमित भएको छ ।
शुक्रबार सम्पन्न सेमिफाइनल खेलमा भारतसँग ४८-२४ ले पराजित हुदै नेपाल कास्य पदकमा सिमित भएको हो । भारत भने नेपाललाई हराउदै फाइनलमा पुगेको छ ।
नेपालले यसअघि श्रीलंकालाई पराजित गर्दै सेमिफाइनलमा स्थान बनाएको थियो । विहिबार सम्पन्न खेलमा नेपालले श्रीलंकालाई ३४-२५ ले पराजित गरेको थियो । नेपालले यसअघि चाइनिज ताइपेइसँग हार बेहोरेको थियो भने थाइल्याण्डलाई पराजित गरेको थियो ।
यसअघि १९औं एशियाली खेलकुदमा कास्य पदक जितेर इतिहास बनाएको महिला कबड्डी टिमले यस पटक पनि कास्य पदक जितेर इतिहास दोहोराएको छ । योसँगै जारी एशियाली खेलकुदमा नेपालले दोस्रो कास्य पदक जितेको छ ।
