- २०८३ असोज १० शनिबार
काठमाडौं । अमेरिकी राष्ट्रपति डोनाल्ड ट्रम्पले इरानले अघि सारेको सातदिने युद्धविराम प्रस्ताव अस्वीकार गरेको वाल स्ट्रिट जर्नलले अमेरिकी अधिकारीहरूलाई उद्धृत गर्दै जनाएको छ ।
रिपोर्टअनुसार ट्रम्पले नोभेम्बरमा हुने अमेरिकी मध्यावधि निर्वाचनपछि इरानमाथि पुनः हवाई हमला गर्न सकिने बताएका छन् ।
इरानले युद्धविरामसँगै होर्मुज जलडमरूमध्य पुनः खोल्ने प्रस्ताव अघि सारेको थियो। इरानी विदेशमन्त्री अब्बास अराघ्चीले अमेरिकाबाट आवश्यक सर्त पूरा भएमा जलडमरूमध्य खोल्ने प्रक्रिया सुरु गर्न सकिने बताएका छन् ।
इरानको प्रस्तावबारे अमेरिकाबाट औपचारिक जवाफको प्रतीक्षा भइरहेको इरानी पक्षले जनाएको छ । यसैबीच, ट्रम्पले इरानसँग निर्वाचनपछि सम्झौता हुन सक्ने बताउँदै आएका छन् ।
रोयटर्सले भने वाल स्ट्रिट जर्नलको उक्त रिपोर्टलाई तत्काल स्वतन्त्र रूपमा पुष्टि गर्न नसकेको जनाएको छ ।
