- २०८३ कार्तिक १८ बुधबार
सल्यान । सल्यानको बनगाड कुपिण्डे नगरपालिका–७ लेक सङ्ग्रहीस्थित सिम्टीगैरा सामुदायिक वनबाट पाँच नाल भरुवा बन्दुक बरामद गरिएको छ।
इलाका प्रहरी कार्यालय देवस्थलबाट प्रहरी वरिष्ठ नायब निरीक्षकको कमान्डमा खटिएको टोलीले खोजतलास गर्ने क्रममा बन्दुक फेला पारेको हो । प्रहरीले सामुदायिक वनमा बेवारिसे अवस्थामा लुकाइछिपाइ राखिएका तीन नाल साबुत र दुई नाल बिग्रिएको अवस्थामा रहेका भरुवा बन्दुक बरामद गरेको जनाएको छ ।
बरामद भएका बन्दुक कसले र कुन प्रयोजनका लागि वनमा राखेको भन्ने विषयमा प्रहरीले थप अनुसन्धान गरिरहेको छ ।
