काठमाडौं । संघीय संसद्का राष्ट्रिय सभा र प्रतिनिधि सभाअन्तर्गतका दुई समितिको बैठक आज बस्ने भएको छ ।
राष्ट्रिय सभाको विधायन व्यवस्थापन समिति र प्रतिनिधि सभाको महिला तथा सामाजिक मामिला समितिको बैठकमा विभिन्न विषयमा छलफल हुने कार्यसूची छ ।
राष्ट्रिय सभाको विधायन व्यवस्थापन समितिको बैठक आज दिउँसो १ बजे सिंहदरबारस्थित समितिको सभाकक्षमा बस्नेछ । बैठकमा ऐन कार्यान्वयन तथा विधायिकी अन्तरसम्बन्धसम्बन्धी अनुगमन भ्रमणका विषयमा छलफल हुने र अन्य विविध विषय पनि कार्यसूचीमा राखिएको छ।
त्यस्तै, प्रतिनिधि सभाको महिला तथा सामाजिक मामिला समितिको २०औँ बैठक आज बिहान १० बजे बस्नेछ। बैठकमा मानव बेचबिखन तथा ओसारपसार (नियन्त्रण) (पहिलो संशोधन) विधेयक, २०८३ माथि दफावार छलफल हुनेछ ।
प्राप्त उक्त विधेयकको प्रस्तावनादेखि दफा ७ सम्म संशोधन प्रस्तावकर्तासहित छलफल गर्ने कार्यसूची रहेको समितिले जानकारी दिएको छ ।









