- २०८१ बैशाख १४ शुक्रबार
काठमाडौँ। भारतीय प्रधानमन्त्री नरेन्द्र मोदी मंसीरको दोस्रो साता पुन: नेपाल भ्रमणमा आउने भएका छन्।
भारतीय न्युज एजेन्सी एएनआईकाअनुसार मोदी यसपटकको गौतम बुद्धको जन्मस्थान लुम्बिनी भ्रमणका लागि आउन लागेका उल्लेख गरेको छ । पछिल्लो चार वर्षमा मोदीको यो पाचौँ नेपाल भ्रमण हुने छ भने यस बर्ष हुन लागेको तेस्रो भ्रमण हुने छ ।
मोदी आगामी मङ्सिर १२-१३ नेपाल भ्रमण गर्ने तयारी गरेको दुतावास स्रोतलाई उद्धृत गर्दै एएनआईले जनाएको छ।
२०७१ जेठमा भारतको १४ औँ प्रधानमन्त्री बनेपछि उनले पहिलो पटक नेपालको भ्रमण गरेका थिए ।
यसअघि गत १४-१५ भदौमा काठमाडौँमा भएको बहुक्षेत्रीय आर्थिक तथा प्राविधिक सहयोगका लागि बंगालको खाडीको प्रयास (बिमस्टेक) को शीखर सम्मेलनमा भाग लिन आएका थिए।
त्यसअघि बैशाखको अन्तिम साता धार्मिक भ्रमणमा आएका मोदीले जनकपुर र मुक्तिनाथको भ्रमण गरेका थिए । यस अघिका भ्रमणमा पनि मोदी लुम्बिनी जाने बताइए पनि सुरक्षा कारणले ति भ्रमण रद्ध गरिएका थिए।
त्यसअघि १८-१९ साउन २०७१ मा मोदीको पहिलो नेपाल भ्रमण भएको थियो। त्यसलगत्तै मोदी त्यसै वर्ष मङ्सिरमा दक्षिण एशियाली क्षेत्रीय सहयोग संगठन (सार्क) शिखर सम्मेलनको सिलसिलामा नेपाल आएका थिए।
