- २०८१ बैशाख १५ शनिबार
काठमाडौँ। स्टार फुटबलर क्रिस्टियानो रोनाल्डोले एक मोडललाई बालात्कार गरेको भन्ने प्रकरणमा लस भेगासको प्रहरीले अनुसन्धान सुरु गरेको छ।
तत्कालिन मोडल र हाल स्कुल शिक्षक रहेकी काथरिन मायोरगालाई रोनाल्डोले छुट्टीमा अमेरिकाको लस भेगासमा गएका बेला काथरिनलाई बलात्कार गरेको आरोप लागेको छ। सो घटना सन् २००९९ को जुन १३ मा लस भेगासको पाल्म होटलमा भएको दाबी गरिएको छ।
रोनाल्डो यो फेक न्युज' भएको बताउदै आफु प्रचारमा आउन यसो गरिएको बताएका छन्। सामाजिक संजालमा रोनाल्डोले मेरो नाम प्रयोग गरेर चर्चामा आउने एउटा उपाएको रुपमा यो घटनालाई लिएको बताएका छन्।
रोनाल्डोले यो बयान काथरिनका वकिलले लस भेगासमा मुद्धा दायर गरेको केहि घण्टामा आएको हो। साथै लस भेगास प्रहरीले यस घटनाको सोमबारदेखि छानबिन सुरु हुने बताएको छ।
यस प्रकरणमा सन् २०१० मा काथरिनले यस घटनालाई कहिल्लै बाहिर नल्याउने गरि २ लाख ८७ हजार पाउण्डमा सेटलमेन्ट गरेको मिडिया रिपोर्टमा बताइएको छ। तर अहिलेको नयाँ दाबिले सो सम्झौताको उलंघन भएको बताइएको छ। नयाँ दाबी अनुसार रोनाल्डोले बलात्कार गरेपछि काथरिन डिप्रेसनमा गएको र उनको काम र निजि स्वास्थ्यमा ठुलो असर परेको उल्लेख गरिएको छ।
तर रोनाल्डो पक्षले भने दुवैबीच सेक्स भएपनि आपसी सहमतिमा गरेको रिपोर्ट अदालतमा गरेको बताइएको छ। रोनाल्डोका वकिलले यो प्रकरण अहिले फेरी उठेपछि पहिलो पटक यो रिपोर्ट प्रकाशित गर्ने जर्मनी मिडिया डेर स्पाइगेलमाथि मुद्धा दायर गर्ने बताएका थिए।
