क्रिकेट विवाद समाधानतर्फ : मुद्दा फिर्ता लिइदै, बोर्ड बैठक बोलाइयो 

खरीबोट

काठमाडौँ। झण्डै तीन वर्षदेखि नेपाली क्रिकेटमा देखिएको समस्या समाधान हुने भएको छ । 

निर्वाचित नेपाल क्रिकेट सङ्घ (क्यान)ले आज विज्ञप्ति जारी गर्दै अदालतमा विचाराधीन मुद्दा फिर्ता लिने प्रक्रिया अघि बढाएसँगै क्यान विवाद समाधानतर्फ उन्मुख भएको हो । 

कात्तिक १० गते क्यानको बैठक बोलाएको छ । सोही बैठकले कानुनी र व्यवहारिक प्रक्रियाबारे छलफल गरी मुद्दा फिर्ता लिने सम्बन्धमा निर्णय गर्ने क्यानका उपाध्यक्ष दिवाकर घलेद्वारा जारी विज्ञप्तिमा उल्लेख छ । 

विज्ञप्तिमा भनिएको छ, ‘झन्डै साढे दुई वर्षयता अन्तर्राष्ट्रिय क्रिकेट काउन्सिल (आइसिसी) को निलम्बनमा रहेको नेपाली क्रिकेट निलम्बन मुक्त हुने प्रक्रिया अन्तिम चरणमा पुगेको छ ।’ 

उपाध्यक्ष घलेका अनुसार मुद्दा फिर्ताको कानुनी र व्यवहारिक प्रक्रियाबारे छलफल गरी मुद्दा फिर्ता लिने सम्बन्धमा निर्णय गर्न आगामी कात्तिक १० गते क्यान निर्वाचित समितिको बोर्ड बैठक बोलाइएको छ । 

विज्ञप्तिमा भनिएको छ “नेपाली क्रिकेटलाई निलम्बन मुक्त बनाउने प्रयासमा हामी सधैं जिम्मेवार र सहयोगी भूमिकामा प्रस्तुत भइरहेका छौंँ, हामी शुरुवातबाट नै आइसिसीले गठन गरेको सल्लाहकार समूह र मनिटरिङ कमिटीमा सहभागी भएर मात्रै नभई आइसिसी र अन्य सरोकारवालाले भने झै परिमार्जित विधानलाई विशेष साधारणसभाबाट हुबहु पारित गरेर नेपाली क्रिकेटलाई निलम्बन मुक्त बनाउने प्रक्रियामा सहयोग गरिरहेका छौँ ।” 

विज्ञप्तिमा आफूहरुको जिम्मेवारीपूर्ण र रचनात्मक सहयोगका कारण नै पुरानो विधानलाई संशोधन गरी संशोधित विधानअनुसार जिल्ला निर्वाचन समेत सम्पन्न भइसकेको र हाल परिमार्जित बिधानअनुसार गठन भएको पाँच सदस्यीय मनिटरिङ कमिटीले जिल्ला निर्वाचनको अध्ययन गरिरहेको जनाइएको छ । 

यसअघि २०७२ मङ्सिरमा भएको क्यानको निर्वाचनलाई राष्ट्रिय खेलकुद परिषदले मान्यता नदिएपछि क्रिकेटमा विवाद शुरु भएको थियो । 

परिषदले निर्वाचित समितिलाई मान्यता नदिएर तदर्थ समिति गठन गरेको थियो । त्यसपछि निर्वाचित समितिले सर्वोच्चमा मुद्दा दायर गरेको थियो । सर्वोच्चले अन्तरिम आदेश दिएपछि तदर्थ समितिले काम गर्न पाएको थिएन । 

यसैबीच आन्तरिक विवाद र सरकारी हस्तक्षेप भएको भन्दै आइसिसीले क्यानलाई ०७३ वैशाखमा निलम्बन गरेको थियो । त्यसपछि आइसिसीले नै नेपाली क्रिकेटको व्यवस्थापन हेर्दै आएको छ । २०७२ मा सर्वोच्च अदालतमा दायर मुद्दा भने अहिले पनि विचारधीन छ । 

सम्बन्धित समाचार

सन्दीप लामिछाने बने क्रिकेटर अफ द इयर 

काठमाडौं । क्रिकेट खेलाडी संघ (सिप्यान) को आयोजनामा भएको पहिलो सीप्यान क्रिकेट अवार्ड २०१९ मा सन्दीप लामिछानेले बर्षको उत्कृष्ट क्रिकेटरको अवार्ड जितेका छन् । सन्दीपले मनोनयनमा रहेका दीपेन्द्र सिंह ऐरी, करण

रोहित पौडेलले जिते उदयमान खेलाडीको अवार्ड

काठमाडौं । क्रिकेट खेलाडी संघ (सिप्यान) को आयोजनामा हुने पहिलो सीप्यान क्रिकेट अवार्ड २०१९ को उदयमान खेलाडीको अवार्ड युवा क्रिकेटर रोहितकुमार पौडेलले जितेका छन् ।  क्रिकेट खेलाडी संघले पहिलो पटक प्रदान

दक्षिण अफ्रीका जाने १५ जना युवा क्रिकेटर छानियो, को को परे ?

धनगढी ।तेस्रो संस्करणको रुस्लान धनगढी प्रिमियर लिग (डिपिएल) मा सहभागी १९ वर्षमुनिका खेलाडीको टोली दक्षिण अफ्रिका भ्रमणमा जाने भएको छ ।  डिपिएलको आयोजक धनगढी क्रिकेट एकेडेमीले आज ‘डिपिएल इमर्जिङ स्टार‘ टोलीको

राष्ट्रिय क्रिकेट खेलाडीको तलब आयो, २२ खेलाडीले २ बर्षको तलब पाउने 

काठमाडौँ । नेपाली राष्ट्रिय क्रिकेट खेलाडीहरुले दुई वर्षदेखि रोकिएको मासिक तलब पाउने भएका छन् ।  अन्तर्राष्ट्रिय क्रिकेट परिषद (आइसीसी) ले राष्ट्रिय खेलकुद परिषदको स्टान्डर्ड चार्टड बैंकको खातामा नेपाली राष्ट्रिय टोलीको दुई


z