अमेरिकी चुनावको पूर्वसन्ध्यामा फेसबुक बन्द

खरीबोट

सानफ्रान्सिस्को। अमेरिकी मध्यावधि चुनावमा हस्तक्षेप गर्ने कोसिसमा रहेका एक सय १५ विदेशी व्यक्ति एवं संस्थाका फेसबुक एकाउन्ट (खाता) बन्द गरिएको छ । अमेरिकी प्रहरीको चेतावनीपछि फेसबुकले बन्द गरेका खातामा ८५ वटा इन्स्टाग्राम खाता समेत रहेका छन् । 

अमेरिकी कानुन कार्यान्वयन तथा जासुसी संस्थाहरुले रुसीहरुले फेसबुक मार्फत नक्कली समाचार (फेक न्यूज) फैल्याएको बताएलगत्तै फेसबुकले उक्त घोषणा गरेको हो । अमेरिकामा मङ्गलबार मध्यावधि चुनाव हुँदैछ । 

गत साता प्रकाशित एक अध्ययनमा सन् २०१६ को राष्ट्रपतीय निर्वाचनको भन्दा बढी मात्रामा यसपटक सामाजिक सञ्जाल मार्फत गलत सूचना प्रवाह भएको देखिएको छ । राष्ट्रपतीय निर्वाचनताका राष्ट्रपति डोनाल्ड ट्रम्पको पक्षमा रुसीहरुले सामाजिक सञ्जालको दुरुपयोग गरी सघाएको आरोप लाग्दै आएको छ । 

“आइतबार साँझ, अमेरिकी कानुन कार्यान्वयन निकायले अनलाइन गतिविधिका बारेमा हामीसँग सम्पर्क राखेका थिए । उनीहरुको विचारमा ती खाताहरु विदेशी व्यक्ति एवं संस्थासँग सम्बन्धित थिए,” फेसबुकका साइबर सुरक्षा नीति प्रमुख नाथानिल ग्लेचरले बताउनुभयो । “हामीले तत्कालै ती खाता बन्द गरिदियौं र हामी अहिले त्यसका बारेमा विस्तृत रुपमा बुझ्ने क्रममा छौं ।” 

ग्लेचरको भनाइ अनुसार फेसबुकका ३० र इन्स्टाग्रामका ८५ खाता भएका व्यक्ति एवं संस्थाका कृयाकलाप शङ्कास्पद रहेको पहिचान भएको छ । उक्त खाताहरु फ्रान्सेली र रुसीसँग सम्बन्धित रहेको पाइएको छ । 

अमेरिकी मध्यावधि चुनावमा फेसबुक मार्फत हुनसक्ने गडबडी रोक्न फेसबुकले व्यापक जनशक्ति परिचालन गरेको छ । यो कार्यका लागि फेसबुकले करिब २० हजार कर्मचारी खटाएको छ । 

सम्बन्धित समाचार

आफ्नो फेसबुक एकाउन्ट डिलिट गर्नुहोस् : ह्वाट्सएपका संस्थापक

काठमाडौं । प्रसिद्ध मेसेजिङ एप ह्वाट्सएपका सहसंस्थापक ब्रायन एक्टनले फेसबुकका सबै प्रयोगकर्तालाई आफ्नो एकाउन्ट डिलिट गर्न आग्रह गरेका छन् । उनले शुक्रवार विद्यार्थीहरुसँग कुरा गर्दै फेसबुक एकाउन्ट बन्द गर्नुपर्ने बताएका

प्रयोगकर्ताका विवरण बेचेको आरोपमा अमेरिकाले फेसबुकमाथि गम्भीर अनुसन्धान गर्ने

प्रयोगकर्ताका विवरण अन्य कम्पनीहरूलाई बेचेको आरोप लगाउँदै अमेरिकी अधिकारीहरूले फेसबुकमाथि आपराधिक अनुसन्धान गर्ने भएका छन् । ‘द न्युयोर्क टाइम्स’का अनुसार न्युयोर्कको एक विशेष न्यायधिशहरूको समूहले दुई ठूला स्मार्टफोन कम्पनीलाई उनीहरूको रेकर्ड

फेसबुक र इन्स्टाग्राममा समस्या, ह्याक नभएको फेसबुकको दाबि  

काठमाडौं । विश्वकै चर्चित सामाजिक संजाल फेसबुक र इन्स्टाग्राममा समस्या देखिएको छ । करिब ८ घण्टायता फेसबुक र इन्स्टाग्राममा  विश्वका करोडौ प्रयोगकर्ताहरुमा समस्या देखिएको छ ।  धेरै प्रयोगकर्ताहरुको फेसबुक लोड नहुने

जुकर्बर्गद्वारा फेसबुक च्याटलाई पूर्ण रुपमा गोप्य बनाउने घोषणा

संसारको सबैभन्दा ठूलो सामाजिक संजाल फेसबुकका प्रमुख मार्क जुकरबर्गले अबको फेसबुकको भविष्य प्रयोगकर्ताहरूको सार्वजनिक रुपमा हुने अन्तरक्रियाभन्दा व्यक्तिगत च्याटहरू रहेको बताएका छन् । फेसबुकमा एक लामो संदेश लेख्दै जुकर्बर्गले कम्पनीले अब


z