- २०८१ बैशाख १८ मंगलबार
काठमाडौं । मुक्तिनाथ विकास बैंक लि.ले सँस्थागत सामाजिक उत्तरदायित्वअन्र्तगत पहिरोपीडितलाई सहयोग गरेको छ ।
बैंकले गत भदौ १३ गते राति अविरल वर्षाका कारण आएको पहिरोमा परी ओखलढुङ्गा, ८ राङ्गादिपका पूर्ण राई र निजकी श्रीमतीसहित चार जनाको मृत्यु भएकोले उनको बाँच्न सफल नाबालक छोराछोरीलाई सहयोगस्वरुप ५० हजार रुपैयाँको चेक प्रदान गरेको हो ।
उक्त चेक मुक्तिनाथ विकास बैंक लि.का रामपुर, ओखलढुङ्गाकी शाखा प्रमुख रुपा राईले राङ्गादिप काठमाडौं समाजका सचिव महेश कुमार राईलाई हस्तान्तरण गरेको बैंकले जानकारी दिएको छ ।
