गौतम गम्भीरको क्रिकेटका सबै फर्म्याटबाट सन्यास

खरीबोट

काठमाडौँ। भारतीय क्रिकेटर गौतम गम्भीरले अन्तर्राष्ट्रिय क्रिकेटका सबै फर्म्याटबाट सन्यास लिएका छन् । पछिल्लो समय इण्डियन प्रिमियर लिग (आइपिएल) मात्र खेलिरहेका गम्भीरले अब सबै किसिमका क्रिकेटबाट सन्यास लिएको घोषणा गरेका छन्। 

भारतलाई सन् २००७ को टि–२० विश्वकप र सन् २०११ को एकदिवसिय विश्वकप जिताउन महत्वपूर्ण योगदान गरेका गम्भीरले अन्तिम पटक राष्ट्रिय टिमका २०१६ मा इङल्याण्डविरुद्ध टेस्ट क्रिकेट खेलेका थिए। त्यसपछि उनि टिममा परेका थिएनन्।  ३७ वर्षीय गम्भीरले भारतका लागि ५८ टेस्ट, १४७ एक दिवसिय र ३७ टि–२० खेल खेलेका छन् ।

गम्भीरले ५८ टेस्टको १०४ पारीमा ९९ शतक र २२ अर्धशतकसहित ४१५४ रन बनाएका छन्। त्यस्तै १४७ एकदिवसीय खेलमा २२ शतक र ३४ अर्धशतक सहित ५२३८ रन बनाएका छन्।  त्यस्तै ३७ टी-२० खेलमा ७ अर्धशतकसहित ९३२ रन बनाएका छन्। 

गम्भीरले २००७ को टी–२० विश्वकपको फाइनलमा पाकिस्तानविरुद्ध ७५ रन र २०११ को एकदिवसिय विश्वकपको फाइनलमा श्रीलंकाविरुद्ध ९७ रनको उत्कृष्ट पारी खेल्दै दुवै विश्वकप जिताउन महत्वपूर्ण योगदान दिए। 

रणजी ट्रफी अन्तर्गत आन्द्रप्रदेसविरुद्धको खेल ३७ वर्षे गाम्भीरको करियरको अन्तिम खेल हुने बताएका छन् । 

आइपिएलमा कोलकाता नाइट राइडर्सलाई सन् २०१२ र २०१४ को इण्डियन प्रिमियर लिगको उपाधि जिताउदा गम्भीर सो टिमको कप्तान थिए। गम्भीरले गत आइपिएलमा खराब प्रदर्शनपछि दिल्ली डेयरडेभिल्सको कप्तानी आइपिएलकै क्रममा छोडेका थिए। यस सिजनका लागि दिल्लीले रिलिज गरेका १० खेलाडीमा गम्भीर पनि रहेका छन्।  

सम्बन्धित समाचार

महिला क्रिकेट क्वालिफायर : नेपाल थाइल्याण्डसँग पराजित

काठमाडौँ । महिला टी-२० विश्वकप क्वालिफायर अन्तर्गतको एशिया क्वालिफायर छनोट खेलमा नेपाल अहिले आयोजक थाइल्याण्डसँग पराजित भएको छ । थाइल्याण्डले दिएको १२५ रन पछाएको नेपाल २० ओभरमा ८ विकेट गुमाउदै

महिला क्रिकेट क्वालिफायर : थाइल्याण्डद्वारा नेपाललाई १२५ रनको चुनौती

काठमाडौँ । महिला टी-२० विश्वकप क्वालिफायर अन्तर्गतको एशिया क्वालिफायर छनोट खेलमा नेपाल अहिले आयोजक थाइल्याण्डसँग खेलिरहेको छ । थाइल्याण्डले टस जितेर पहिला ब्याटिंग गर्दै नेपाललाई १२५ रनको लक्ष्य दिएको छ

५० ओभरको खेलमा ओमान २४ रनमा अलआउट !

काठमाडौँ । स्कटल्याण्डको भ्रमणमा रहेको ओमानको क्रिकेट टिम ५० ओभरको खेलमा २४ रनमा अल आउट भएको छ । ओमान लिस्ट ए क्रिकेटको चौथो कम रन बनाउदै अलआउट भएको छ । ओमानका लागि

महिला क्रिकेट विश्वकप क्वालिफायरमा नेपालको विजयी सुरुवात 

काठमाडौँ । महिला टी-२० विश्वकप क्वालिफायर अन्तर्गतको एशिया क्वालिफायर छनोट खेलमा नेपालले विजयी सुरुवात गरेको छ । पहिलो खेलमा नेपालले मलेसियालाई ३४ रनले पराजित गरेको छ । नेपालले दिएको १२७ रन


z