५जी नेटवर्कमा सजिलै ह्याक हुन सक्छ प्रयोगकर्ताको डाटा : शोध 

खरीबोट

काठमाडौं । हाल विश्वभर इन्टरनेटको स्पीड बढाउने होडबाजी चलिरहेको छ । ५जी नेटवर्कको परीक्षण विश्वभर नै भइरहेको छ । यो वर्षको अन्त्यसम्म यो सेवा विश्वभरका मानिसले प्राप्त गर्ने अनुमान छ । 

सामसुङ, हुवावेजस्ता स्मार्टफोन निर्माता कम्पनी पनि ५जी नेटवर्कलाई सपोर्ट गर्ने फोन बनाउने तरखरमा छन् । आगामी फेब्रुअरी २४ मा स्पेनमा आयोजना हुने एमडब्ल्यूसी २०१९ मा ५जी सपोर्ट गर्ने स्मार्टफोन सार्वजनिक हुँदै छन् । 

यद्यपि, ५जी नेटवर्कलाई लिएर केही चिन्ता पनि व्यक्त गरिएको छ । विशेषतः प्रयोगकर्ताको व्यक्तिगत जानकारीको सुरक्षालाई लिएर विशेषज्ञहरु चिन्तित भएका हुन् । विशेषज्ञहरुका अनुसार ५जी नेटवर्कको माध्यमले प्रयोगकर्ताको डाटा ह्याकरहरुले सजिलै ह्याक गर्न सक्छन् । 

टेक्निकल युनिभर्सिटी अफ बर्लिन, ईटीएच जुरिख र नर्वेको सिनटेफ डिजिटलले गरेको एक अनुसन्धानमा ५जी नेवर्कमा प्रयोगकर्ताको प्राइभेसीबारे चिन्ता व्यक्त गरिएको छ । ५जी नेटवर्कमा फोन सुरक्षित तरिकाले सेल्युलर नेटवर्कसँग कनेक्ट गर्न नसकिने शोधमा उल्लेख छ । 

ह्याकरहरुले प्रयोगकर्तालाई ५जी एयरवेब्सको माध्यमले सजिलै ह्याक गरी उनीहरुको मोबाइलबाट कुनै पनि व्यक्तिगत जानकारी सजिलै एक्सेस गर्न सक्ने बताइएको छ । यो सुरक्षासम्बन्धी परीक्षण हाल सञ्चालनमा रहेको ४जी नेटवर्कमा गरिएको हो । शोधकर्ताहरुका अनुसार ५जी नेटवर्कको प्रयोग सञ्चालनमा आएपछि ह्याकिङको समस्या तीव्र गतिमा बढ्ने शोधकर्ताहरुले बताएका छन् । 

५जी नेटवर्कको यो समस्या धेरै पहिला नै खोजी गरिएको हो । ५जी सार्वजनिक हुनुभन्दा अगाडि नै शोधकर्ताहरुले यो समस्याको समाधान निकाल्ने अपेक्षा गरिएको छ । 

सम्बन्धित समाचार

गणितको सानो प्रश्न जसले इन्टरनेटमा मच्चायो हंगामा 

काठमाडौं । गणित यस्तो विषय हो जसबाट अधिकांश विद्यार्थी टाढा भाग्दछन् । उनीहरुको लागि गणित टाउको दुखाइबाहेक अरु केही पनि होइन ।  यद्यपि, सजिलै हल गर्न सकिने छोटा प्रश्नमा भने सबै

टेलिकमले इन्टरनेटको शुल्क नबढाउने

काठमाडौँ । नेपाल टेलिकमले इन्टरनेटको शुल्क नबढाउने भएको छ । सरकारले साउन १ गतेदेखि लागुहुने गरि इन्टरनेट सेवामा १३ प्रतिशत दूरसञ्चार सेवा शुल्क लगाउने निर्णय गरेको भए पनि टेलिकमले ग्राहकको सुविधा

दुई दिन हिडेर फोन र इन्टरनेट !

जाजरकोट । मुड्केचुला गाउँपालिका–८ डोल्पा सर्मीका दीर्घ शाहीले पत्रकारिता गर्न थालेको अहिले आठ वर्ष नाघ्यो । उनी बस्ने गाउँमा इन्टरनेट त परै जाओस् फोनले समेत काम नगर्दा दिनदिनै समस्या भोग्दै

क्लासिक टेकको बुलेट-जी इन्टरनेट प्लान सार्वजनिक  

काठमाडौँ । ईन्टरनेट सेवा प्रदान गर्ने कम्पनी क्लासिक टेकले ईन्टरनेटको बढ्दो गतिको मागलाई ध्यानमा राख्दै यस कम्पनीले बजारमा ४०, ५० तथा ६५ एमबीपीएसका प्लानहरु बजारमा ल्याएको छ ।  यस कम्पनीले ४०


z