फोहोर व्यवस्थापन स्थल सिसडोलको अनुगमन 

खरीबोट

काठमाडौं । मंगलबार महानगरको वातावरण व्यवस्थापन समितिका पदाधिकारीले वातावरण व्यवस्थापन बिभागका अधिकारीसहित फोहोरको अन्तिम व्यवस्थापन कार्यको अवलोकन गरेका छन् । 

उपत्यकाबाट उत्पादन भएको फोहोर ढुवानी, ल्याण्डफिल्ड साइटमा पुर्याउदाको अवस्था, साइटको व्यवस्थापन, पूर्वाधार, उपकरण र जनशक्ति परिचालनसँगै फोहोरबाट स्थानीयमा परेको प्रभावका बिषय हेरिएका थिए ।

त्यस्तै दीर्घकालीन ल्याण्डफिल्ड बञ्चरेडाँडाको पूर्वाधार, त्यहाँसम्म पुग्ने सडक निर्माणमा भएको प्रगति, सिसडोलस्थित साइटको ल्याण्ड स्केपिङ् (उबडखाबड मिलाउने कार्य) गर्न अबको योजना के हो ? पदाधिकारीले अधिकारीलाई जिज्ञासा राखेका थिए । 

सो जिज्ञासामा जानकारी गराउँदै अधिकारीले बञ्चरे डाँडामा पुग्ने सडक निर्माण कार्य भइरहेको, बञ्चरेडाँडामा साइट निर्माण गर्न माटो परीक्षणको काम भइरहेको, यस क्रममा ४ ठाउँको काम सकिएको जनाउँदै, आउँदो बर्खा यामका सम्भावित समस्या र समाधानका उपायका बिषयमा स्थलगत छलफल भएको थियो । 

स्थलगत भ्रमणका लागि समितिका संयोजक एवं वडा १२ का अध्यक्ष बिकास डंगोल, महानगरका प्रबक्ता ईश्वरमान डंगोल, समितिका सदस्य एवं वडा ४ का अध्यक्ष मोहनबहादुर बिष्ट, वडा २६ का अध्यक्ष ख्यामराज तिवारी सिसडोल पुग्नुभएको हो । उहाँहरुले साइटमा पुगेपछि, फोहोर व्यवस्थापनका बिगत अभ्यासमा जानकारी लिँदै, स्थानीय र काठमाडौंको बराबरी जीत के मा हुन सक्छ ? बिभागका योजना सोधेका थिए । 

अबलोकनपछि प्रवक्ता ईश्बरमान डंगालले बञ्चरेडाँडाको पूर्वाधार सक्दो छिटो सक्न सम्बद्ध पक्षलाई अनुरोध गरिएको जानकारी गराउँदै, बञ्चरे नजाउञ्जेल सिसडोलको ब्यवस्थापनमा कमी हुन नदिने बताए । हामीले साइटको प्राविधिक पक्ष पनि बुझेका छौं । अब स्थानीयसँग कुरा गरेर उनीहरुको जमिनबाट माटो ल्याउँछौं र सिसडोलको उबडखाबड मिलाउँछौं ।

फोहोर व्यवस्थापन संवेदनशील बिषय हो । यसको व्यवस्थापनमा हामी त्यत्तिकै गम्भीर छौं, प्रवक्ता डंगालेको भनाइ थियो ।  

अहिले नुवाकोटको ककनी गाउँपालिकाको सिसडोलमा फोहोर व्यवस्थापन हुँदै आएको छ । यो र आसपास क्षेत्रसहित र धादिङ्गको धुनीबेँसी नगरका केही ठाउँलाई फोहोर प्रभावित क्षेत्रका रुपमा लिइएको छ । 
 

सम्बन्धित समाचार

फोहर सङ्कलन गर्ने निजी संस्था दर्ता गर्दै महानगर

काठमाडौ । काठमाडौँ महानगरपालिकाले महानगरभित्र फोहर सङ्कलन गर्ने निजी संस्थाहरुलाई दर्ता गर्ने भएको छ । अहिलेसम्म निजी संस्थाले आफूखुशी फोहर सङ्कलन गर्दा एकातिर समन्वय नभएको र अर्कातिर राजश्व नआएको भन्दै

वडाध्यक्षको फर्जी हस्ताक्षर गरेको अभियोगमा पक्राउ

काठमाडौँ । काठमाडौँ महानगरपालिका–१६ का वडाध्यक्ष मुकुन्द रिजालको फर्जी हस्ताक्षर गरेको अभियोगमा आज प्रहरीले एक जनालाई पक्राउ गरेको छ । पक्राउ पर्नेमा बालाजुस्थित अटोपार्ट्सका कर्मचारी रवीन खत्री रहेका छन् । आर्थिक

काठमाडौँ महानगरका नासु घुससहित रंगेहात पक्राउ

काठमाडौँ । अख्तियार दुरुपयोग अनुसन्धान आयोगले काठमाडौं महानगरपालिका, समाजिक विकास विभाग, ववरमहलका नायव सुब्बालाई घुससहित पक्राउ गरेको छ । अख्तियारले महानगरका नासु कृष्ण प्रसाद सोतीले सेवाग्राहीसँग एक लाख ७ हजार घुस

काठमाडौँ महानगरभित्र सार्वजनिक यातायातमा टिकट अनिवार्य

काठमाडौँ । काठमाडौँ महानगरपालिकाभित्र तपाई सार्वजनिक सवारी साधनमा यात्रा गर्दै हुनुहुन्छ भने टिकट माग्न नभुल्नुहोला । महानगरपालिकाले ‘काठमाडौँ महानगरपालिका सवारी तथा यातायात व्यवस्थापन ऐन–२०७५’ मा सार्वजनिक यातायातमा यात्रा गर्दा अनिवार्य


z