काठमाडौँ । निर्माण व्यवसायी महासंघका अध्यक्ष शरदकुमार गौचनको गोली हानी हत्या भएको छ ।
सोमबार दिउँसो सवा तीनबजेतिर मोटरसाइकलमा आएका दुई अज्ञात सुटरले काठमाडौँको शान्तिनगरस्थित ओम शान्ति चोकमा गोली प्रहार गरी हत्या गरेका हुन् ।
गोली लागेपछि उपचारको लागि नजिकैको सिभिल अस्पताल लगिएको भएपनि डाक्टरले उनलाई मृत घोषणा गरेका छन् । सिभिल अस्पतालले अस्पताल ल्याउँदैमा गौचनको मृत्यु भइकसकेको बताएको छ ।
गौचनको शरीरमा तीनवटा गोली लागेको थियो । एउटा गोली मुटुमा, एउटा कलेजोमा लागेको थियो । अर्को पेटमा लागेको अस्पतालले बताएको छ ।