मर्केल र म्याँक्रोसँग पुटिनको फोनवार्ता

खरीबोट

रूस । गृहयुद्धमा होमिएको सिरियाको अवस्थाको विषयमा रुसमा राष्ट्रपति भ्लादिमिर पुटिनले मङ्गलबार जर्मनीका चान्सलर एन्जेला मर्केल र फ्रासका राष्ट्रपति इम्यानुएल म्याँक्रोसँग छलफल गरेको क्रेमलिनले जनाएको छ ।

टेलिफोन वार्तामा तीनै नेताले आ–आफ्ना तर्फबाट सिरियाली गृहयुद्धको शान्तिपूर्ण समाधानका विषयमा धारणा राखेको समाचारमा जनाइएको छ । वार्ताका क्रममा सशस्त्र विद्रोही समूहले बारम्बार युद्धविरामको उल्लघङ्न गरेको विषयमा समेत छलफल भएको थियो ।

सिरियाको विषयमा सन् २०१८ को अक्टोबरमा टर्कीको इस्तानबुलमा चार पक्षबीचको सम्मेलन भएको थियो । यी चार पक्षमा रुस, टर्की, जर्मनी र फ्रान्सको सहभागिता थियो । उक्त सम्मेलनका अवसरमा सिरियामा राजनीतिक समाधानको रुपरेखाका लागि सबैको समन्वय आवश्यक हुने भन्दै एक सहमति भएको थियो । 

सिरियाको उत्तरपश्चिम प्रान्त हामामा रहेको एक शहरमा विद्रोही समूह र रुस समर्थित सिरियाली सैनिकबीच भएको झडपमा कम्तिमा ४० लडाकूको मृत्यु भएपछि पछिल्लो वार्ता भएको हो ।

सिरियाको उत्तरपश्चिमी प्रान्त इडलिबमा गत अप्रिल २५ देखि हालसम्म एक सय ६७ जनाको ज्यान गइसकेको छ । इडलिब प्रान्तमा करीब ३० लाखको बसोवास छ ।

गत सोमबार पनि रुसको नेतृत्वमा सिरियाली सैनिकले गरेको हवाई आक्रमणमा कम्तीका पाँच बालबालिकासहित १० जना सर्वसाधारणको मृत्यु भएको थियो ।

हवाई आक्रमणका कारण पाँच बालबालिकाको ज्यान गएको बेलायतआवद्ध मानवअधिकार समूह सिरियाली अब्जरभेटरी फर ह्युमन राइट्सले पनि पुष्टी गरेको छ । रुसले इड्लिबमा युद्धविराम भएको घोषणा गरेको केही समयपछि गत आइतबार पुनः हवाई आक्रमण भएको थियो ।

सिरियामा सन् २०११ को मार्चमा सरकारको विरोध गर्दै शुरु भएको जनआन्दोलन केही समयपछि गृहयुद्धमा परिणत भएको थियो । यस गृहयुद्धमा अल–कायदा र इस्लामिक स्टेट्सजस्ता आतङ्ककारी समूह हाबी हँुदै गएपछि रक्तपात मच्चिएको थियो ।

सिरियामा जारी द्वन्द्वका कारण सन् २०११ देखि हालसम्म तीन लाख ७० हजारभन्दा बढी व्यक्तिको मृत्यु भइसकेको छ । लाखाँैको सङ्ख्यामा घाइते भएका छन् भने अरु बीसौं लाख मानिस सिरियाभित्र र छिमेकी राष्ट्रमा शरणार्थी जीवन बिताउन बाध्य भएका छन् ।

सम्बन्धित समाचार

इरानका बारेमा ट्रम्पले पुटिनसँग पनि छलफल गर्ने

मस्को । रुसका राष्ट्रपति भ्लादिमिर पुटिन र अमेरिकी राष्ट्रपति डोनाल्ड ट्रम्पबीच चाँडै भेटवार्ता हुने भएको छ ।  जी २० सम्मेलनका क्रममा जापानमा उहाँहरूबीच यही हप्ता भेटवार्ता हुने रुसी विदेश मन्त्रालयले बुधबार

जी–२० सम्मेलनमा ट्रम्प र पुटिनबीच संक्षिप्त भेटवार्ता हुने

मस्को । आगामी साता जापानको ओसाकामा हुने जी–२० समूह राष्ट्रहरूको शिखर सम्मेलनमा अमेरिकी राष्ट्रपति डोनाल्ड ट्रम्प र उनका रूसी समकक्षी भ्लादिमिर पुटिनबीच भेटवार्ता हुने कार्यक्रम तय भएको सोमबार रूसी प्रशासन

मर्केल र म्याँक्रोसँग पुटिनको फोनवार्ता

रूस । गृहयुद्धमा होमिएको सिरियाको अवस्थाको विषयमा रुसमा राष्ट्रपति भ्लादिमिर पुटिनले मङ्गलबार जर्मनीका चान्सलर एन्जेला मर्केल र फ्रासका राष्ट्रपति इम्यानुएल म्याँक्रोसँग छलफल गरेको क्रेमलिनले जनाएको छ । टेलिफोन वार्तामा तीनै नेताले

पुटिनसंगको भेटवार्तापछि नेता किम स्वदेश फिर्ता

भ्लादिभोस्तक । उत्तर कोरियाली नेता किम जोङ–अन शुक्रबार रुसको सुदूरपूर्वी तटीय शहर भ्लादिभोस्तकबाट स्वदेश फर्किएका छन् । रुसी राष्ट्रपति भ्लादिमिर पुटिनको मैत्रीपूर्ण निमन्त्रणमा उत्तर कोरियाली नेता किम बुधबार निजी रेलमा


z