प्रशिक्षकलाई थापाको निर्देशन, 'पार्टी बारेको भ्रम र एजेन्डा बारेको अफबाह चिरौ'

खरीबोट

काठमाडौं । राष्ट्रिय प्रजातन्त्र पार्टीका अध्यक्ष कमल थापाले कार्यकर्ताहरुको मनोबल उच्च राख्न देशभर सघन रूपमा  प्रशिक्षण संचालन गर्न केन्द्रिय प्रशिक्षकहरुलाई निर्देशन दिएका छन् ।

केन्द्रिय प्रशिक्षक र पदाधिकारीहरुको संयुक्त बैठकलाई आज सम्बोधन गर्दै थापाले अहिले मुलुकको अबस्था विषम परिस्थितिबाट गुज्रिरहेकोले तरल अबस्था बारे कार्यकर्तालाई जगाउनु र सचेत गराउनु आबश्यक भएको बिचार व्यक्त गरे ।

पार्टीबारे भ्रम छरिएको छ, एजेन्डा बारे अफबाह छन्, यी सबैलाई चिर्ने जिम्मा तपाईहरुको हो - थापाले प्रशिक्षकहरुलाई भने ।

तपाईहरुको काधमा ठुलो जिम्मेवारी छ, त्यो इमान्दारीपुर्बक निर्बाह गर्न आग्रह गर्दै थापाले देश दौडाहामा जाँदा पार्टीका पदाधिकारी र प्रशिक्षकहरुलाई दृढ भएर प्रस्तुत हुन जोड दिए । तपाईहरु अध्यनशिल हुनोस्, चिन्तन र बिष्लेषण गर्ने गर्नोस्, बहस गर्ने बानी बसाल्नुस भन्दै थापाले भने - राप्रपाले बोकेको उन्नत बिचारलाई आत्मबिश्वासी भई कार्यकर्ता र जनतामा राख्नोस ।

थापाले राप्रपा परिबर्तन बिरोधी शक्ति नभएको स्पष्ट पारे । राप्रपा राष्ट्रबादी शक्ति हो, प्रजातन्त्रबादि शक्ति हो भन्दै थापाले निरन्तरता सहितको परिबर्तन मात्र टिकाउ हुने बिचार ब्यक्त गरे ।

कार्यक्रममा पार्टीका वरिष्ठ नेता दिपक बोहरा, महामन्त्रीद्वय राजेन्द्र लिङ्देन र भाष्कर भद्रा, प्रशिक्षण बिभाग प्रमुख भुवन पाठक लगायतको उपस्थिति थियो । 

भाद्र महिनामा ७७ जिल्लामा र असोज महिनामा ७५३ स्थानिय तहमा प्रशिक्षण कार्यक्रम संचालन गर्ने योजना रहेको पार्टीका सहायक महामन्त्री राजाराम बर्तौलाले जानकारी दिए ।
 

सम्बन्धित समाचार

राप्रपाले प्रदेश २ मा ६० हजार सक्रिय सदस्य बनाउने

जनकपुर । राष्ट्रिय प्रजातन्त्र पार्टीले प्रदेश नम्बर २ मा ६० हजार सक्रिय सदस्य बनाउने निर्णय गरेको छ । आज जनकपुरमा बसेको प्रदेश -२ कार्य समितिको बिस्तारित बैठकले स्थानीय तहमा भएको व्यापक

राप्रपाले तेश्रो चरणको स्वाभिमान यात्रा गर्ने 

काठमाण्डौ । राष्टिय प्रजातन्त्र पार्टीले मेची–महाकाली राष्ट्रिय स्वाभिमान यात्राको क्रममा बाँकी रहेका जिल्लाहरुमा क्रमशः स्वाभिमान यात्रा संचालन गर्ने भएको छ । यस क्रममा सिन्धुली, रामेछाप, दोलखा, सिन्धुपाल्चोक र काभ्रेपलाञ्चोकमा आगामी भाद्र

राप्रपा निकट प्रवासी नेपाली एकता समाज अष्ट्रेलियाको घोषणा

काठमाडौँ । राप्रपा निकट प्रवासी नेपाली एकता समाज अष्ट्रेलिया घोषणा गरिएको छ । आज  मेलवर्नमा एक समारोहका विच पत्रकार सम्मेलन गर्दै प्रनेएस अष्ट्रेलिया घोषणा गरिएको हो ।  समाजको प्रमुख सल्लाहकार डा.

राप्रपाको प्रशिक्षक प्रशिक्षण धुलिखेलमा हुँदै

काठमाण्डौ । राष्ट्रिय प्रजातन्त्र पार्टीले २०७६ लाई संगठन निर्माण बर्ष घोषणा गरेको छ । यसलाई सफलतापूर्वक कार्यान्वयन गर्नको निमिक्त पार्टीको प्रशिक्षण बिभागले भोलि साउन २४ र २५ गते आवासीय केन्द्रीय प्रशिक्षक


z