काठमाडौँ । किलीयन एम्बाप्पे र एडिसन कभानी फ्रेन्च क्लब पिएसजीको टिममा फर्किएका छन् ।
आज राति हुने फ्रेन्च लिग अन्तर्गतको निसविरुद्धको खेलमा एम्बाप्पे र कभानी टिममा फर्किएका हुन् ।
पिएसजीका लागि ब्राजिलियन खेलाडी नेइमार भने यस खेलमा टिममा रहेका छैनन् । नेइमार ब्राजिलका लागि खेल्ने क्रममा नाइजेरियाविरुद्धको मैत्रीपूर्ण खेलमा घाइते भएका थिए ।
त्यस्तै गत अगस्टदेखि इन्जुरीका कारण बाहिर रहेका कभानी पहिलो पटक टिममा फर्किएका छन् । कभानीको पिएसजीमा यो सिजनको अन्त्यमा सम्झौता सकिन लागेको छ भने उनी अर्को सिजन युभेन्टस जाने चर्चा अहिले नै शुरु भएको छ ।
फ्रेन्च लिगमा पिएसजी अहिले ९ खेलमा २१ अंकसहित शिर्ष स्थानमा रहेको छ भने निस ९ खेलमा १३ अंकसहित अंक तालिकामा नवौ स्थानमा रहेको छ ।