काठमाडौँ । बलिवुडका महानायक अमिताभ बच्चन छोरा अभिषेकसंगै कोरोना संक्रमित भएपछि अहिले बलिवुडमा त्रास मच्चिएको छ ।
पछिल्लो रिपोर्ट अनुसार अमिताभ र अभिषेक दुवैलाई सामान्य लक्षण रहेको र स्वास्थ्य अवस्था स्थिर रहेको अस्पतालले जानकारी दिएको छ ।
यसैबीच ऐश्वर्या राय बच्चन र छोरी आराध्या बच्चनको रिपोर्ट समेत पोजेटिभ आएको छ ।
महाराष्ट्रका स्वास्थ्यमन्त्री राजेश टोपेले ऐश्वर्या र आराध्याको रिपोर्ट पोजेटिभ आएको र जया बच्चनको निगेटिभ आएको जानकारी दिएका छन् ।
दुवैलाई कोरोनाको सामान्य लक्षण रहेको भारतीय मिडियाहरुले उल्लेख गरेका छन् ।
यसअघि गएराती अमिताभ बच्चन र अभिषेक बच्चनले आफुलाई कोरोना पोजेटिभ भएको जानकारी दिएका थिए ।
अमिताभले आफु ननावती अस्पतालमा भर्ना भएको जानकारी दिदै आफूसँग पछिल्लो १० दिनमा भेट गरेका सबैलाई कोरोना परिक्षण गर्न अनुरोध गरेका थिए ।