नेइमारले बार्सिलोना छोडेपछि स्वरेजको प्रदर्शन खस्कियो !

खरीबोट

काठमाडौं । बार्सिलोनाका उरुग्वियन स्ट्राइकर लुइस स्वरेज यस सिजनमा गरिरहेको संघर्षका कारण क्लबलाई असर पर्न थालेको छ । 

सन् २०१४ मा लिभरपुलबाट बार्सिलोना गएका स्वरेजले तीन सिजनमा पहिलो पटक गोल गर्न संघर्ष गरिरहेको पाइएको छ ।

अघिल्ला तीन सिजनमा स्वरेजको प्रदर्शन उत्कृष्ट रहेको थियो । बार्सिलोना आएको पहिलो सिजनमा स्वरेजले बार्सिलोनाका लागि ला लिगामा २७ खेल खेल्दै १६ गोल गरेका थिए भने दोस्रो सिजनमा ३५ खेलमा ४० गोल गरेका थिए । त्यस्तै अघिल्लो सिजनमा पनि ३५ खेल खेल्दै २९ गोल गरेका थिए । यस सिजनमा स्वरेजको प्रदर्शन हेर्ने हो भने उनले बार्सिलोनाका लागि ११ खेल खेल्दै ६ गोल गरेका छन् । 

अझ ला लिगा बाहेकका अन्य ७ खेलमा यस सिजनमा स्वरेजले गोल गर्न सकेका छैनन् । यसरी यस सिजनमा स्वरेजले बार्सिलोनाका लागि खेलेका कुल १८ खेलमा केबल ला लिगाका ६ गोल मात्र छन् ।

अहिले नेइमारले बार्सिलोना छोडेपछि स्वरेजको प्रदर्शन खस्किएको अनुमान गर्न थालिएको छ । नेइमार हुँदा स्वरेजको गोल औसत प्रति खेल एक गोलको थियो तर नेइमार बिना स्वरेजको औसत गोल प्रति खेल ०.५४ रहेको छ । जबकी अघिल्ला सिजनमा यो औसत लगभग हरेक खेलमा एक गोलको रहेको थियो । यस सिजनमा स्वरेजले गरेको गोल हेर्दा स्वरेजले ६ गोलका लागि ४० सट हानेका छन् । 

स्वरेजको अर्को समस्या मेसी खेल्ने ठाउको पनि देखिएको छ । मेसी यस सिजनमा धेरै जसो सेन्ट्रल पोजिशनमा खेलेको देखिएको छ जबकी यस अघि स्वरेज खेलेको देखिन्थ्यो । स्वरेजका लागि बार्सिलोनामा अब नयाँ पोजिशनबाट खेल्न र त्यँहाबाट रिजल्ट निकाल्न मुस्किल भइरहेको देखिएको छ । 

स्वरेजको घुडाको इन्जुरिले उनको खेलमा अवस्य असर गरेको छ तर नेइमारको अनुपस्थितिमा उनले गर्ने गोलमा कमि आएको भने प्रष्ट देखिएको छ । 

मेसी अहिले ला लिगामा शिर्ष गोलकर्ता रहेका छन् तर स्वरेज भने नेइमारको अनुपस्थितिबाट सबैभन्दा बढी असर पुगेका पिडित जस्तो देखिएको छ ।  
 

सम्बन्धित समाचार

बार्सिलोनाको जितमा मेसीको ह्याट्रिक, बनाए नयाँ रेकर्ड  

काठमाडौँ। स्पेनिस ला लिगामा बार्सिलोनाले लेभांटेमाथि फराकिलो जित हासिल गरेको छ। गएराती भएको खेलमा बार्सिलोनाले लेभांटेलाई ५-० गोल अन्तरले पराजित गरेको हो।  बार्सिलोनाको जितमा लियोनेल मेसीले ह्याट्रिक गरे भने लुइस स्वरेज

जितसँगै सेभिला दोस्रो स्थानमा उक्लियो, बार्सिलोना दबाबमा 

काठमाडौँ। स्पेनिस ला लिगामा सेभिलाले गिरोनालाई २-० गोल अन्तरले पराजित गर्दै शिर्ष स्थानमा रहेको बार्सिलोनासँग अंक बराबरी गरेको छ।  आइतबार भएको खेलमा सेभिलाले गिरोनालाई पराजित गर्दै १६ खेलमा ३१ अंक बटुलेर

बार्सिलोनालाई बराबरीमा रोक्दै टोटनह्याम च्याम्पियन्स लिगको अन्तिम १६ मा 

काठमाडौँ। च्याम्पियन्स लिग अन्तर्गत टोटनह्यामले बार्सिलोनासँग बराबरी खेल्दै अन्तिम १६ मा आफ्नो स्थान सुरक्षित गरेको छ। गएराती बार्सिलोनाको घरेलु मैदानमा भएको खेलमा टोटनह्याम र बार्सिलोना १-१ को बराबरी खेलेका थिए। बार्सिलोनाका

मेसीको जादुमय प्रदर्शनसँगै बार्सिलोनाको जित 

काठमाडौँ। स्पेनिस ला लिगामा बार्सिलोनाले इस्पेनियोलमाथि शानदार जित हासिल गरेको छ। गएराती भएको खेलमा बार्सिलोनाले इस्पेनियोलमाथि ४-० को जित हासिल गरेको हो। बार्सिलोनाको जितमा लियोनेल मेसीले २ गोल गरे भने उसमान


z