काठमाडौँ । प्रधानसेनापति पूर्णचन्द्र थापा सेल्फ-क्वारेन्टाइनमा बसेका छन् ।
नेपाली सेनाको जनसम्पर्क तथा सूचना निर्देशनालयले दिएको जानकारी अनुसार प्रधानसेनापति थापा आजदेखि सेल्फ क्वारेन्टाइनमा बसेका हुन् ।
उनको निवासको भान्सामा कार्यरत एकजनालाई शनिबार कोरोना पुष्टि भएपछि हेल्थ प्रोटोकल अनुसार प्रधानसेनापति थापा सेल्फ-क्वारेन्टाइनमा बसेको बताइएको छ ।
देशमा कोरोना महामारीको संक्रमण बढेसँगै नेपाली सेनामा कोरोनाको संक्रमण फैलिएको छ ।
नेपाली सेनामा अहिलेसम्म २ हजार १९७ संक्रमित भएका छन् भने ५३९ संक्रमण मुक्त भएको नेपाली सेनाले जनाएको छ । अहिले नेपाली सेनामा १६५६ सक्रिय संक्रमित रहेका छन् ।