काठमाडौँ । ब्लड प्रेशर बढेपछि अस्पताल भर्ना भएका बलिवुड अभिनेता रजनीकान्त डिस्चार्ज भएका छन् । ७० बर्षिय सुपरस्टार अभिनेता रजनीकान्तको ब्लड प्रेशर बढेपछि शुक्रबार हैदरावादस्थित एपोलो अस्पतालमा भर्ना गरिएको थियो ।
भारतीय समाचार एजेन्सी एएनआइले रजनीकान्तको स्वास्थ्य अवस्थामा सुधार भएकोले उनलाई अस्पतालले डिस्चार्ज दिएको उल्लेख गरेको छ । अस्पतालले अहिले रजनीकान्तको ब्लड प्रेशर स्थिर रहेको बताएको छ ।
हालै रजनीकान्तको फिल्म अन्नाथेको सेटमा सात शुटिंग युनिटका सदस्यलाई कोरोना संक्रमण भएपछि शुटिंग रोकिएको थियो । अभिनेता रजनीकान्तको पनि कोरोना परिक्षण गरिएकोमा उनको नतिजा भने निगेटिभ आएको थियो ।
रजनीकान्तलाई ब्लड प्रेशरका साथै थकावट महसुस भएपछि अस्पताल भर्ना गरिएको थियो ।