- २०८१ बैशाख १६ आइतबार
काठमाडौँ । प्रधानमन्त्री केपी शर्मा ओली वामदेव गौतमलाई भेट्न उनको निवास भैसेपाटी पुगेका छन् ।
आजै विप्लव समुहसँग सहमति गरेर घोषणा गरेका प्रधानमन्त्री ओली शुक्रबार साँझ गौतम निवासमा पुगेका हुन् ।
हाल कुनै पक्षमा नलाग्ने भन्दै तठस्थ बनेर एकता अभियान चलाएका नेता गौतमलाई आफ्नो पक्षमा ल्याउने प्रधानमन्त्री ओलीको कसरतको रुपमा यो भेटवार्तालाई हेरिएको छ ।
आइतबार प्रतिनिधि सभाको बैठक बस्न लागेको र ओली पक्षले शनिबार संसदीय दलको समेत बैठक बोलाएको अवस्थामा प्रधानमन्त्री ओलीले नेता गौतमसँग छलफल गर्न उनकै निवासमा पुगेका छन् ।
यता प्रचण्ड-नेपाल पक्षले भने ओलीलाई संसदीय दलबाट हटाइसकेको छ । बुधबारको केन्द्रीय कमिटी बैठकले ओलीलाई हटाएर आज संसदीय दलको नेतामा प्रचण्डलाई चयन समेत गरेको छ ।
