- २०८१ बैशाख २८ शुक्रबार
पोखरा । नेपाली काँग्रेसका कृष्णचन्द्र नेपाली पोखरेल गण्डकी प्रदेशको मुख्यमन्त्रीमा नियुक्त भएका छन् ।
प्रदेश प्रमुख सीताकुमारी पौडेलले संविधानको धारा १६८ (५) अनुसार पोखरेललाई मुख्यमन्त्री नियुक्त गरेकी हुन् ।
मुख्यमन्त्री नियुक्तका लागि आधार पेश गर्न आहृवान गरेपछि विपक्षी गठबन्धनको तर्फबाट पोखरेलले ३१ प्रदेशसभा सदस्यहौर उपस्थित भएर नै शुक्रबार हस्ताक्षरसहित दाबी पेश गरेका थिए ।
मुख्यमन्त्री पृथ्वी सुब्बा गुरुङले शुक्रबार सरकारको दाबी पेश गरेपछि पोखरामा राजनीतिक सरगर्मी बढेको थियो ।
पुर्ख्यौली थलो तनहुँ भएका ७१ वर्षीय पोखरेल प्रदेशसभा सदस्यमा पूर्वी नवलपरासी निर्वाचन क्षेत्र १ प्रदेश (क) बाट विजयी बनेका थिए ।
