- २०८१ बैशाख १५ शनिबार
काठमाडौँ । सामाजिक सञ्जाल कम्पनि ट्विटरले छ वर्षसम्म प्रयोगकर्ताको डाटा गोप्य राख्न असफल भएकोमा १५० मिलियन डलर जरिवाना तिर्नुपर्ने भएको छ ।
ट्विटरसँग सम्झौताको घोषणा गर्दै न्याय मन्त्रालय र संघीय व्यापार आयोगले सामाजिक सञ्जाल कम्पनीले अब प्रयोगकर्ताको डाटा सुरक्षाका लागि नयाँ मापदण्ड पनि बनाउने बताएको छ ।
अमेरिकी अधिकारीहरूले ट्विटरले गोपनीयता मामिलामा आरोपहरू समाधान गर्न यो रकम तिर्न सहमत भएको बताएका छन् । न्याय मन्त्रालय र संघीय व्यापार आयोगले ट्विटरले गोपनीयतालाई कडा पार्ने नाममा पैसा कमाउन विज्ञापनदाताहरूलाई फोन नम्बर, इमेल जानकारी पठाएको आरोप लगाएका छन् । नियामकहरूले ट्विटरले २०११ एटीसी आदेश उल्लङ्घन गर्दै प्रयोगकर्ताहरूलाई धोका दिएर तिनीहरूको गैर-सार्वजनिक सम्पर्क जानकारीको गोपनीयता उलंघन गरेको छ ।
अमेरिकी नियामकहरूले संघीय मुद्दामा पनि ट्वीटरले युरोपेली संघ र स्विट्जरल्याण्डसँगको अमेरिकी गोप्यता सम्झौताको पालना नगरेको आरोप लगाएका थिए । ट्वीटरले सुरक्षाका लागि प्रयोग गर्ने बहानामा प्रयोगकर्ताबाट डाटा लिएको तर अन्तत: प्रयोगकर्तालाई विज्ञापनका लागि लक्षित गर्ने उद्देश्यले उक्त डाटा प्रयोग गर्न दिएको थियो ।
अमेरिकी अधिवक्ता स्टेफनी हिन्ड्सले सामाजिक सञ्जालमा आफ्नो व्यक्तिगत जानकारी साझा गर्ने प्रयोगकर्ताहरूलाई विज्ञापनदाताहरूलाई ग्राहकहरूलाई लक्षित गर्न मद्दत गर्न प्रयोग भइरहेको छ कि छैन भनेर जान्न पाउने अधिकार रहेको बताए ।
