- २०८१ बैशाख ३१ सोमबार
काठमाडौं । महाअभियोग सिफारिस समितिले निलम्बित प्रधानन्याधीश चोलेन्द्रशम्शेर जबराले बयानका क्रममा नाम लिएका व्यक्तिहरुलाई छलफलका लागि बोलाउने निर्णय गरेको छ ।
बुधबार सिंहदरबारमा बसेको समितिको बैठकले बयानका क्रममा नाम आएका बारका पदाधिकारी, पूर्वन्यायाधीशलगायतलाई बिहीबार छलफलका लागि बोलाउने निर्णय गरेको हो ।
पूर्वन्यायाधीश, बारका पदाधिकारीसँग बिहीबार छुट्टाछुट्टै समय दिएर छलफल गर्ने निर्णय भएको समितिका एक सदस्यले खरीबोटलाई जानकारी दिएका छन् ।
यस अघि समितिमा पाँच पटक बयान दिदै चोलेन्द्रले समितिले राखेका विभिन्न ४३ प्रश्नको जवाफ दिएका थिए । जवाफका क्रममा उनले विभिन्न नेताहरु, न्यायाधीश, वरिष्ठ अधिवक्ता र बारका पदाधिकारीहरुमाथि आरोप लगाएका थिए ।
