बार्सिलोना सेल्टा भिगोसँग बराबरीमा रोकियो, लिगमा १२ अंकको अग्रता 

खरीबोट
ad

काठमाडौँ । स्पेनिस ला लिगाको शिर्ष स्थानमा रहेको बार्सिलोना बराबरीमा रोकिएको छ । 

बार्सिलोना गएराती भएको सेल्टा भिगोसँगको खेलमा २-२ गोलको बराबरीमा रोकिएको हो । 

बार्सिलोनाका लागि ओसमान डेम्बेले र पाको अल्कासेरले एक-एक गोल गरेका थिए भने सेल्टा भिगोका लागि जोनी कास्ट्रो र लागो आसपासले गोल गरेका थिए ।

बार्सिलोन ले आफ्ना स्टार खेलाडी लियोनेल मेसी बिना खेलको सुरुवात गरेको थियो । खेलको ३६औ मिनेटमा डेम्बेलेको गोलबाट सुरुवाती अग्रता लिएको बार्सिलोनाले खेलको ४५औ मिनेटमा सेल्टाका जोनी कास्ट्रोले गोल गर्दै खेल बराबरी गरेका थिए ।

त्यसपछि खेलको ६४औ मिनेटमा अल्कासेरले गोल गर्दै बार्सिलोनालाई २-१ को अग्रता दिलाए । यसअघि खेलको ६०औ मिनेटमा फिलिप कोन्टिन्होलाई रिप्लेस गर्दै मेसी मैदानमा आएका थिए । खेलको ७१औ मिनेटमा बार्सिलोनाका सेर्गी रोबोर्टोले रातो कार्ड पाएर मैदान छोड्दा बार्सिलोना १० खेलाडीमा सिमित भएको थियो ।

सेल्टाले आसपासको गोलमा खेलको ८२औ मिनेटमा खेल बराबरी गर्दै बार्सिलोनासँग एक अंक लिन सफल भएको थियो ।

यो बराबरीपछि बार्सिलोना यस सिजनका ३३ खेलमा अपराजित रहदै नयाँ रेकर्ड पनि बनाएको छ । बार्सिलोनाले यस सिजनमा २५ जित र ८ बराबरी खेलेको छ ।

बार्सिलोनाले सन १९७९-८० सिजनमा रियल सोसियडाडको एकै सिजनमा ३२ खेलमा अपराजित हुने रेकर्डलाई तोडेको हो । यस अघि अघिल्लो खेलमा बार्सिलोनाले सोसियडाडकै ला लिगामा कुल ३८ खेलमा लगातार अपराजित भएको रेकर्ड तोडेको थियो । 

यस खेलको बराबरीपछि बार्सिलोना ३३ खेलमा ८३ अंक सहित लिगको शिर्ष स्थानमा रहेको छ । बार्सिलोनाले दोस्रो स्थानमा रहेको एथलेटिको म्याड्रिडसँग १२ अंकको अग्रता लिएको छ । त्यस्तै सेल्टा भिगो भने ३३ खेलमा ४४ अंकसहित लिगको आठौ स्थानमा रहेको छ । 
 

सम्बन्धित समाचार

एथ्लेटीको म्याड्रिडले नेपाली फुटबलको विकासमा सहयोग गर्ने

काठमाडौँ। स्पेनको फुटबल क्लब एथ्लेटीको म्याड्रिडले नेपालको फुटबल विकासका लागि सहयोग गर्ने भएको छ ।  विश्वभर अन्तर्राष्ट्रिय सामाजिक विद्यालयहरू बनाएर फाउन्डेशनमार्फत सहयोग गर्दै आएको एथ्लेटीको म्याड्रिडले गैरआवासीय नेपाली सङ्घका अध्यक्ष भवन

सेभिलाविरुद्ध बार्सिलोनाको शानदार जित, घाइते मेसीले एल क्लासिको गुमाउने  

काठमाडौँ। स्पेनिस ला लिगामा बार्सिलोनाले सेभिलालाई पराजित गरेको छ। गएराती भएको खेलमा बार्सिलोनाले सेभिलालाई ४-२ गोल अन्तरले पराजित गरेको हो।  बार्सिलोनासँगको यो हार सँगै सेभिलाको लगातार ४ खेलमा जितको सिलसिलाको अन्त्य

ला लिगामा रियल म्याड्रिड फेरी हार्यो 

काठमाडौँ।  स्पेनिस  रियल म्याड्रिड ला लिगामा फेरी पराजित भएको छ।  शनिबार भएको खेलमा लेभांटेसँग २-१ ले पराजित भएपछि रियल म्याड्रिडको संकट बढेको छ।  लेभांटेको जितमा लुइस मोरालेस र रोजर मार्टीले एक

बार्सिलोना बराबरीमा रोकियो, रियल र बार्सालाई उछिन्दै सेभिला लिगको शिर्ष स्थानमा 

काठमाडौँ।  स्पेनिस ला लिगामा बार्सिलोना बराबरीमा रोकिएको छ।  गएराती भएको खेलमा बार्सिलोना भलेन्सियासँग १-१ गोलले बराबरी रोकिएको हो।  बार्सिलोनाका लागि लियोनेल मेसीले गोल गरेका थिए भने भलेन्सियाका लागि इजेक्वेल गेरीले गोल


z