- २०८१ बैशाख १८ मंगलबार
काठमाडौँ । अस्ट्रेलियाले चर्चित सामाजिक सञ्जाल टिक टकलाई प्रतिबन्ध लगाएको छ ।
अस्ट्रेलियाले युरोपियन देश र अमेरिकालाई पछ्याउदै सबै सरकारी डिभाइसबाट टिकटक एप हटाउन निर्देशन दिएको छ ।
अस्ट्रेलियाका महान्यायाधिवक्ता मार्क ड्रेयफुसले सुरक्षा एजेन्सीहरुबाट प्राप्त सूचनाको आधारमा टिकटकमा प्रतिबन्ध लगाइएको बताएका छन् । उनले जति सक्दो छिटो सरकारी डिभाइसबाट टिक टक हटाउन निर्देशन समेत दिएका छन् ।
यसअघि टिकटकलाई अमेरिका, बेलायत, क्यानडा र न्यूजील्याण्डले सरकारी प्रयोगमा प्रतिबन्ध लगाउने निर्णय गरिसकेका छन् ।
उनीहरुले टिकटकमा चिनियाँ सरकारको पूर्ण नियन्त्रण रहेको र यसले जासुसी गरिरहेको आरोप लगाएका छन् ।
यसैबीच अमेरिकाले भने टिकटकका मालिकलाई शेयर बेच्न दबाब दिइरहेको छ । अमेरिकाले आफ्नो देशमा पूर्ण प्रतिबन्ध लगाउने चेतावनी दिदै टिक टकलाई बेच्न दबाब दिएको चीनको आरोप छ ।
टिकटकका सबैभन्दा बढी प्रयोगकर्ता पनि अमेरिकामा नै छन् । अमेरिकामा टिकटकका १५० मिलियन प्रयोगकर्ता रहेका छन् ।
