- २०८१ बैशाख १६ आइतबार
काठमाडौँ । स्पेनिस ला लिगा अन्तर्गत एटलेटिको म्याड्रिड दोस्रो स्थानमा उक्लिएको छ ।
गएराती सम्पन्न खेलमा एटलेटिको म्याड्रिडले काडिजलाई ५-१ गोल अन्तरले पराजित गर्दै लिगको दोस्रो स्थानमा उक्लिएको हो ।
एटलेटिकोको जितमा एन्टोनी ग्रीजम्यानले २ गोल गरे भने अल्भारो मोराटा, यानिक कारास्को र नाहूएल मोलिनाले एक एक गोल गरेका थिए । त्यस्तै काडिजका लागि एन्थोनी लोजानोले एक गोल फर्काएका थिए ।
यो जितपछि एटलेटिको म्याड्रिडको ३३ खेलमा ६९ अंक भएको छ र लिगमा दोस्रो स्थानमा उक्लिएको छ ।
त्यस्तै यसअघि दोस्रो स्थानमा रहेको रियल म्याड्रिड ३३ खेलमा ६८ अंकसहित तेस्रो स्थानमा झरेको छ ।
यस सिजनको ला लिगाको उपाधि भने बार्सिलोनाले जित्ने सम्भावना देखिएको छ । बार्सिलोना अहिले ३३ खेलमा ८२ अंकसहित दोस्रो स्थानमा रहेको एटलेटिकोभन्दा १३ अंकले अगाडी रहेको छ ।
त्यसैगरी काडिजको भने ३३ खेलमा ३५ अंक छ र लिगमा १५औ स्थानमा रहेको छ ।
