काठमाडौँ । आइसीसी क्रिकेट विश्वकप क्वालिफायरको प्लेअफ अन्तर्गत अहिले नेपाल र युएईबीच खेल भैरहेको छ ।
प्लेअफको सेमिफाइनलका लागि यी दुई टिम जिम्बाबेको हरारे स्पोर्ट्स मैदानमा खेल्दै छन् ।
टस हारेर पहिले ब्याटिङ गरेको युएईले तेश्रो रमेश सहजादकोे विकेट गुमाएको छ । उनी १० रन बनाए र आउट भए ।
यो समाचार तयार गरुञ्जेल २३ ओभरको समाप्तीमा दुई विकेट गुमाएर ८८ रन बनाएको छ । नेपालका लागि करन केसीले एक विकेट लिएका छन् । उनले युएईका ओपनर आशिफ खानलाई शुन्यमा आउट गरेका हुन् ।
नेपाल र युएईबीच अहिलेसम्म १३ एकदिवसीय खेल भएको छ । जसमा नेपालले ७ र युएईले ६ खेल जितेका छन् । यस खेलको विजेताले सातौ स्थानको लागि आयरल्याण्डसँग खेल्ने छ ।
शुक्रबार भएको प्लेअफको पहिलो सेमिफाइनलमा आयरल्याण्डले अमेरिकालाई पराजित गरेको थियो ।
प्लेअफको फाइनल जित्ने देश सातौं स्थानमा हुने छ भने पराजित हुने टिम आठौ स्थानमा रहने छ । साथै सेमिफाइनलमा पराजित दुई देशले नवौं र दशौँ स्थानका लागि खेल्ने छन् ।