- २०८१ जेठ २ बुधबार
काठमाडौँ । नेपाली कांग्रेसका महामन्त्री विश्वप्रकाश शर्माले योगराज ढकाल रिगललाई दिएको आममाफी बद्र गर्ने सर्वोच्च अदालतको आदेशले बेथितिलाई लगाम लगाएको टिप्पणी गरेका छन् ।
सामाजिक सञ्जालमा टिप्पणी गर्दै महामन्त्री शर्माले सर्वोच्च अदालतले आज 'कैद छुट दिँदा पीडितको सहमति अनिवार्य हुनुपर्ने' जो फैसला गर्यो, त्यसले बेथितिलाई लगाम लगाउँदै 'थिती' विकासमा योगदान गरेको टिप्पणी गरेका हुन् ।
महामन्त्री शर्माले केहि दिनअघि मिडियामा बोल्दै कसैलाई माफी दिने हो भने पीडित परिवारको सहमति अनिवार्य गर्न जरुरी रहेको धारणा राखेका थिए ।
महामन्त्री शर्माले भनेका छन्-
सम्मानित सर्वोच्च अदालतले आज 'कैद छुट दिँदा पीडितको सहमति अनिवार्य हुनुपर्ने' जो फैसला गर्यो, त्यसले बेथितिलाई लगाम लगाउँदै 'थिती' विकासमा योगदान गरेको छ ! जय होस् !
