बिम्स्टेक सम्मेलनको तयारी तीव्र गतिमा

खरीबोट
ad

काठमाडौँ । बहुपक्षीय प्राविधिक तथा आर्थिक सहयोगका लागि बंगालको खाडीको प्रयास (बिम्स्टेक) को चौथो शिखर सम्मेलन काठमाडौँमा गर्न नेपालले प्रस्ताव गरेको मितिमा सबै सदस्य राष्ट्रहरुबाट औपचारिक सहमति प्राप्त भएको छ । 

शिखर सम्मेलन आगामी भदौ १४ र १५ गतेको मितिमा सबै सदस्य राष्ट्रबाट औपचारिक सहमति प्राप्त भएसँगै सरकारले यसको तयारीलाई तीव्रगतिमा अघि बढाएको परराष्ट्र मन्त्रालयका सहप्रवक्ता रामबाबु ढकालले जानकारी दिए । 

परराष्ट्र मन्त्रालयले शिखर सम्मेलनअघि काठमाडौँमै भदौ १३ गते मन्त्रिस्तरीय बैठक र भदौ १२ गते वरिष्ठ अधिकारीस्तरीय बैठक गर्ने तयारी गरेको जनाएको छ । 

सम्मेलनको तयारीका लागि सरकारले प्रधानमन्त्रीको अध्यक्षतामा राष्ट्रिय मूल समिति गठन गरेको छ । त्यस्तै परराष्ट्रमन्त्रीको संयोजकत्वमा सम्मेलन तयारी तथा समन्वय, अर्थमन्त्रीको संयोजकत्वमा अर्थ र गृहमन्त्रीको संयोजकत्वमा सुरक्षा, पारवहन तथा यातायात समिति गठन गरी आवश्यक कार्य अघि बढाइएको छ । 

यसैगरी सञ्चार तथा सूचना प्रविधिमन्त्रीको संयोजकत्वमा सञ्चार व्यवस्थापन तथा प्रचारप्रसार र भौतिक पूर्वाधार तथा यातायातमन्त्रीको संयोजकत्वमा भौतिक पूर्वाधार व्यवस्था तथा नगर सजावट समिति गठन गरिएको मन्त्रालयले जनाएको छ । तयारी समितिहरुले छुट्टाछुट्टै बैठक बसी आ–आफ्नो जिम्मेवारी भित्रका तयारी अघि बढाएका छन् । 

सम्मेलनको तयारीकै लागि सारभूत विषय, समारोह, शिष्टाचार तथा साधन व्यवस्था, हवाई उड्डयन तथा संस्कृति, स्वास्थ्य, आयोजक र सुरक्षा तथा परिवहन व्यवस्थापन उपसमितिसमेत गठन गरिएका छन् । 

झण्डै बीस वर्षअघि स्थापना भएको बिम्स्टेकले सहयोगका १४ वटा क्षेत्र निर्धारण गरेर सदस्य राष्ट्रको चौतर्फी विकासमा योगदान पु¥याउँदै आएको छ । बिम्स्टेक सदस्य राष्ट्रबीच सहयोग र साझेदारी प्रवद्र्धन गरी आर्थिक विकास र समृद्धि हासिल गर्ने उद्देश्यले सन् १९९७ मा यसको स्थापना भएको हो । 

नेपाल, भारत, बंगलादेश, म्यानमार, थाइल्याण्ड, भुटान र श्रीलंका यसका सदस्य राष्ट्र हुन् । नेपाल सन् २००४ मा यसको सदस्य बनेको हो । यसको सचिवालय सन् २०१४ मा बंगलादेशको ढाकामा स्थापना गरिएको हो । 

तयारीका लागि सरकारले सम्मेलनमा भाग लिनुहुने अतिविशिष्ट र विशिष्ट व्यक्तित्वका लागि सवारी साधनको व्यवस्थापन, खाने, बस्ने र सवारी सुविधासहितको स्वागतका व्यवस्थापनलगायत तयारीलाई अघि बढाएको छ । 

बिम्स्टेकका हालसम्म परराष्ट्र मन्त्रिस्तरीय १५ औं बैठक सम्पन्न भइसकेका छन् । १५ औँ बैठक ११ अगस्ट २०१७ मा काठमाडौँमा सम्पन्न भएको थियो । 

त्यस्तै वरिष्ठ अधिकारीस्तरीय १८ औं बैठक पनि सम्पन्न भइसकेका छन् । १७ औँ र १८ औँ बैठक क्रमशः फ्रेब्रुअरी र अगस्ट २०१७ मा काठमाडौँमा सम्पन्न भएका थिए । परराष्ट्र मन्त्रालयले बिम्स्टेकको शिखर सम्मेलनमा सहभागिताका लागि सबै सदस्य राष्ट्रका राष्ट्र प्रमुख÷सरकार प्रमुखलाई निमन्त्रणा पठाइसकेको छ । 

बिम्स्टेकको यसअघि पहिलो शिखर सम्मेलन सन् २००४ मा थाइल्याण्डमा, दोस्रो सन् २००८ मा भारत र तेस्रो सन् २०१४ मा म्यान्मारमा सम्पन्न भइसकेको छ । 

सम्बन्धित समाचार

बिम्स्टेक सम्मेलन सम्पन्न, १८ बुँदे घोषणापत्र जारी

काठमाडौं । १८ बुँदे बिमस्टेक घोषणापत्र जारी गर्दै बहुक्षेत्रीय प्राविधिक तथा आर्थिकसहयोगका लागि बंगालको खाडीको प्रयास बिमस्टेकको चौथो शिखर सम्मेलन सकिएको छ । व्यापार, लगानी र उर्जा सहकार्यका विस्तारका विषयमा एक

बिम्स्टेक सम्मेलनः दर्शाइयो बुद्धभूमि र बौद्ध दर्शनको महत्व

काठमाडौँ। बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) को चौथो शिखर सम्मेलनमा बुद्ध जन्मभूमिको विशेष महत्व उजागर गरिएको छ ।  सम्मेलनको उद्घाटन सत्रमा अध्यक्षीय मन्तव्य दिँदै आयोजक राष्ट्र

बिम्स्टेक सम्मेलनस्थलमा प्रधानमन्त्री ओलीले विशिष्ट पाहुनाको यसरी गरे स्वागत (फोटो फिचर)

काठमाडौँ।  बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को चौथो शिखर सम्मेलन स्थल काठमाडौँको सोल्टी होटलमा प्रधानमन्त्री केपी शर्मा ओलीले सदस्य देशका राष्ट्र तथा सरकार प्रमुखलाई स्वागत गरेका

बिम्स्टेक सम्मेलनमा प्रधानमन्त्री ओलीको सम्बोधन, विकासतर्फ उन्मुख एवं समृद्ध क्षेत्र बनाउन जोड 

काठमाडौँ। बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को चौथो शिखर सम्मेलन प्रारम्भ भएको छ ।  प्रधानमन्त्री एवं बिम्स्टेकका अध्यक्ष केपी शर्मा ओलीले आज राजधानीमा आयोजित विशेष समारोहमा अपराह्न


z