- २०८३ बैशाख ७ सोमबार
काठमाडौँ । म्यानचेस्टर सिटीले प्रिमियर लिगमा आर्सनललाई पराजित गरेको छ । गएराती सम्पन्न खेलमा म्यानचेस्टर सिटीले आर्सनललाई २-१ गोल अन्तरले पराजित गरेको हो ।
म्यानचेस्टर सिटीको जितमा रयान चेर्की र इर्लिंग हालाण्डले एक एक गोल गरेका थिए । त्यस्तै आर्सनलका लागि एक गोल काइ हार्भेटले गरेका थिए ।
यो जितपछि म्यानचेस्टर सिटीको ३२ खेलमा ६७ अंक रहेको छ र आर्सनलको ३३ खेलमा ७० अंक रहेको छ ।
साथै यस अघि आर्सनलले लिग जित्न आकलन गरिएको भएपनि यो खेलपछि अब लिग उपाधिको दौडमा सिटी बलियो बनेको छ ।
