- २०८३ बैशाख ९ बुधबार
काठमाडौँ । इरान युद्धपछि इन्धन मूल्यमा आएको तीव्र वृद्धिका कारण युरोपको सबैभन्दा ठूलो विमान सेवा कम्पनी लुफ्थान्साले २० हजार उडान रद्द गर्ने निर्णय गरेको छ ।
कम्पनीले जनाएको अनुसार गर्मीयामको तालिकाअन्तर्गतका छोटो दूरीका उडानहरू कटौती गरिनेछ । युद्ध सुरु भएपछि जेट इन्धनको मूल्य झन्डै दोब्बर भएपछि यस्तो कदम चालिएको हो ।
यस निर्णयबाट कम्पनीको कुल सिट क्षमता करिब १ प्रतिशतले घट्ने अनुमान गरिएको छ । साथै करिब ४० हजार टन जेट इन्धन बचत हुने अपेक्षा गरिएको छ ।
