- २०८३ बैशाख २३ बुधबार
काठमाडौँ । चलचित्र 'लालीबजार' को रिलिजको बाटो खुलेको छ ।
बुधबार उच्च अदालत पाटनका न्यायाधीश खडानन्द तिवारी र नेत्रप्रकाश आचार्यको इजलासले अन्तरिम आदेश दिन अस्वीकार गरेसँगै चलचित्र लालीबजारको रिलिजको बाटो खुलेको हो ।
यसअघि वैशाख १५ गते उच्च अदालतले अल्पकालीन अन्तरिम आदेश जारी गर्दै उक्त सिनेमा तत्काललाई प्रदर्शन नगर्न आदेश दिएको थियो । उक्त आदेशलाई अब निरन्तरता दिइरहन नपर्ने आदेश दिएको छ । बैशाख १८ गतेदेखि प्रदर्शनको तयारीमा रहेको समयमा सो अल्पकालीन अन्तरिम आदेशका कारण प्रदर्शन रोकिएको थियो ।
वादी समुदायको तर्फबाट रोशनी नेपालीले चलचित्र प्रदर्शन रोक्न माग गर्दै रिट दायर गरेकी थिइन् ।
