काठमाडौँ । नेकपा एमालेका अध्यक्ष केपी शर्मा ओली निर्वाचनपछि पहिलो पटक सार्बजनिक कार्यक्रममा सहभागी हुदैछन् ।
ओली आज एमाले केन्द्रीय संगठन विभागले आयोजना गरेको दुई दिने ‘सदस्यता नवीकरण तथा विस्तार उत्प्रेरणा कार्यशाला’कार्यक्रममा सहभागी हुन लागेका हुन् ।
एमाले सचिव महेश बस्नेतका अनुसार आज बिहान ११ बजेदेखि काठमाडौँको बबरमहलस्थित कार्की ब्यांकेटमा आयोजना हुने कार्यक्रममा ओली सहभागी हुदै कार्यक्रमको उद्घाटन गर्ने कार्यक्रम रहेको छ ।
गत फागुन २१ गते सम्पन्न प्रतिनिधिसभा निर्वाचनको पराजय, त्यसपछि पक्राउ परेपछि अस्वस्थ भएर अप्रेशन गर्नु परेको र त्यसैक्रममा बुबाको निधनका कारण ओली सार्बजनिक कार्यक्रममा सहभागी भएका थिएनन् । यसबीचमा ओली आफ्नै निवासमा राखिएको पार्टीको सचिवालय बैठकमा सहभागी भएका थिए ।
