काठमाडौँ । ईरानले गरेको ड्रोन तथा क्षेप्यास्त्र आक्रमणमा कुवेत अन्तर्राष्ट्रिय विमानस्थलमा धेरै व्यक्ति घाइते भएका छन् ।
कुवेतको सरकारी समाचार संस्थाका अनुसार आक्रमणपछि विमानस्थलका उडानहरू तत्काल रोकिएका छन् भने केही उडानलाई अन्य विमानस्थलतर्फ मोडिएको छ ।
कुवेत नागरिक उड्डयन प्राधिकरणलाई उद्धृत गर्दै सार्वजनिक गरिएको विवरणमा आक्रमण अन्तर्राष्ट्रिय विमानस्थलको टर्मिनल–१ भवनलाई लक्षित गरी गरिएको जनाइएको छ । त्यसपछि सुरक्षा कारणले उडानहरू अन्य विमानस्थलमा पठाइएको बताइएको छ ।
सरकारी समाचार संस्थाले नागरिकहरूलाई पनि सावधानी अपनाउन आग्रह गरेको छ । क्षेप्यास्त्र आक्रमण रोक्न गरिएको प्रतिकारात्मक कारबाहीका क्रममा आकाशबाट खस्न सक्ने भग्नावशेषबाट सतर्क रहन चेतावनी दिइएको छ ।
