दशौं राष्ट्रिय खेलकुद प्रतियोगिताको मिति तोकियो

काठमाडौं । दशौं राष्ट्रिय खेलकुद प्रतियोगिता नयाँ मिति तोकिएको छ ।

विहिबार बसेको राष्ट्रिय खेलकुद परिषद् (राखेप) को १२५औं बोर्ड बैठकले दशौं राष्ट्रिय खेलकुद प्रतियोगिता आगामी मंसिर १६ देखि २९ गतेसम्म सञ्चालन गर्ने निर्णय गरेको हो । यसअघि २०८१ सालमै आयोजना हुनुपर्ने प्रतियोगिता विभिन्न कारणले पटक–पटक सर्दै आएको थियो ।

प्रतियोगिता आयोजना गर्न आवश्यक पूर्वाधार तथा अन्य तयारी पूरा नभएको लगायतका कारण यसअघि तय गरिएका मितिमा प्रतियोगिता सञ्चालन हुन सकेको थिएन । यो खेलकुद प्रतियोगिता पाँचौं पटक सरेको हो ।