काठमाडौँ। स्पेनिस ला लिगामा बार्सिलोनालाई लेगानेजले सरप्राइज दिदै सिजनको पहिलो हार चखाएको छ। गएराती भएको लेगानेजको मैदानमा भएको खेलमा बार्सिलोना २-१ गोल अन्तरले पराजित भएको हो। लेगानेजको जितमा नबिल एर जहार र रियल म्याड्रिडबाट लोनमा गएका ओस्कार रोड्रिगेजले एक एक गोल गरेका थिए।
खेलको १२औ मिनेटमा फिलिप कोटीन्होले गोल गर्दै बार्सिलोनालाई पहिलो हाफमा १-० को अग्रता दिलाए पनि दोस्रो हाफको ५२औ र ५३औ मिनेटमा जहार र रोड्रिगेजले गोल गर्दै लेगानेजले बार्सिलोनामाथि दबाब बनाएको थियो। त्यसपछि खेलमा कुनै गोल भएन र लेगानेजले लिगमा महत्वपूर्ण ३ अंक जोड्न सफल भयो। लेगानेजले दुवैको ६८ सेकेन्ड भित्र गरेको थियो।
लेगानेज एकै बर्षमा रियल म्याड्रिड र बर्सिलना दुवैलाई पराजित गर्ने पहिलो टिम बनेको छ। ल लिगामा लेगानेजको यो पहिलो जित हो। ६ खेलमा लेगानेजको एक जित र एक बराबरीसहित केबल ४ अंक रहेको छ। हारका बाबजुद बार्सिलोना ६ खेलमा १३ अंकसहित लिगको शिर्ष स्थानमा रहेको छ।
बार्सिलोनाले अगामी शनिबार एथलेटिको बिबाओसँग आफ्नै मैदानमा खेल्ने छ।